03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Վարչապետին կից խորհուրդների վերջին նիստերը տեղի են ունեցել 5-6 տարի առաջ. Վահե Էնֆիաջյան
Քաղաքականություն
17.10.2017 | 18:08
«Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրենքի նախագծի վերաբերյալ խորհրդարանական լսումների ընթացքում «Ծառուկյան» խմբակցության պատգամավոր Վահե Էնֆիաջյանը հարց ու պատասխանի ժամանակ նախագծի հիմնական զեկուցող, արդարադատության փոխնախարար Վիգեն Քոչարյանին խնդրեց հստակ պատասխանել պարտադրվա՞ծ է զեկուցում այս օրենքը, թե՞ այդ համոզմունքների կրողն է:
Բացի այդ, պատգամավորն անդրադարձավ նաև օրինագծի այն դրույթին, որը նախատեսում է վարչապետին կից խորհրդի ձևավորում:
«Ձեր առաջարկած նախագծի հոդված 6-ում ասվում է «Ընտանեկան բռնության կանխարգելման» վարչապետին կից խորհրդի ձևավորման մասին: Այժմ վարչապետին կից գործում է 20-ից ավելի խորհուրդ: Մասնավորապես, մասնագիտական կրթության որակի ապահովման ազգային կենտրոն հիմնադրամ խորհուրդը, գիտատեխնիկական խորհուրդը, գործարարության աջակցութայն խորհուրդը: Ի դեպ, գործարարության աջակցութայն խորհրդի վերջին նիստը տեղի է ունեցել 2011 թվականին: Այսինքն՝ այս խորհուրդների վերջին նիստերը տեղի են ունեցել 5-6 տարի առաջ, ի՞նչ լավատեսության մասին եք ուզում խոսենք»,- դժգոհեց Վահե Էնֆիաջյանը:
Վիգեն Քոչարյանը նախ նշեց, որ այդ խորհուրդները կարևոր օղակ են հանդիսանում գործադիր իշխանության և հանրության երկխոսության համար:
«Ես բոլորի գործունեությանը տեղյակ չեմ, բայց կարող եմ ասել, որ գործարարության աջակցման խորհրդի նիստերին ես մասնակցել եմ մի քանի ամիս առաջ»,- պատասխանեց Վիգեն Քոչարյանը՝ նշելով, որ խորհուրդների գործունեությունը պետք է ավելի լավ լուսաբանվի, որ այդ տեսակ հարցադրումներ չլինեն:
Մանրամասները՝ տեսանյութում:
