23.02.2026 | 17:53
Այցելեցի Տեր Օշինին․ Ռուբինյանը պնդում է՝ քահանայի ասածը Քրեական օրենսգրքով հետապնդելի է
Երևանի քաղաքապետարանի աշխատակիցներին բյուջեով հաստատված 13-րդ աշխատավարձը չի՞ տրվի
Հասարակություն
24.12.2019 | 19:32
Factor.am-ի տեղեկություններով Երևանի քաղաքապետարանի աշխատակազմում այսօր բողոքի ալիք է բարձրացել: Բանն այն է, որ քաղաքապետարանի աշխատակիցներն ակնկալում են ստանալ 13-րդ աշխատավարձ, որը հաստատված է բյուջեով, սակայն քաղաքապետ Հայկ Մարությանի և փոխքաղաքապետ Հայկ Սարգսյանի միջև քննարկում է եղել, որ աշխատակիցներին չվճարեն 13-րդ աշխատավարձ՝ պարգևավճարների վերջին աղմուկի համատեքստում:
Factor.am-ը մի քանի օր առաջ տեղեկատվության հարցում էր ուղարկել Երևանի քաղաքապետարան, որի տեղեկատվության և լրատվության վարչությունից փոխանցել էին, որ դեռ վերջնական որոշում չկա 13-րդ աշխատավարձ տալու մասին: Այսօր էլ քաղաքապետի մամուլի խոսնակ Հակոբ Կարապետյանը հետևյալ պատասխանը տվեց. «Ես դժգոհությունները չեմ կարող մեկնաբանել, որովհետև դրանցից տեղյակ չեմ: Մեկ անգամ էլ զանգեք տեղեկատվության վարչություն, հնարավոր է, որ վերանայումներ եղած լինեն»:
Երևանի քաղաքապետարանի աշխատակազմի ղեկավար Վահե Խաչատրյանն էլ Factor.am-ին ասաց, որ այս պահին չի կարող հստակ տեղեկություն փոխանցել: Դիտարկմանը, որ 2019 թվականի բյուջեով 13-րդ աշխատավարձի տրամադրումը հաստատված է եղել, ինչո՞ւ հիմա հստակ որոշում չկա, աշխատակազմի ղեկավարն արձագանքեց. «Մինչև որևէ փաստաթուղթ չլինի չեմ կարող ասել»:
Նարեկ Կիրակոսյան
