31.01.2026 | 23:36
Եվրո-2026․ Ֆուտզալի Հայաստանի հավաքականն ավարտեց ելույթը
Հայկ Մարությանի աշխատանքն ավելի ցածր է գնահատվել, քան որոշ թաղապետերի․ հետազոտության արդյունքներ. ՏԵՍԱՆՅՈՒԹ
Հասարակություն
24.12.2019 | 11:50
GALLUP international association-ի Հայաստանում լիիրավ անդամ Էմ Փի Ջի ՍՊԸ-ն ուսումնասիրել է հասարակական կարծիքը Երևանի քաղաքապետարանի ու Ոստիկանության վերաբերյալ։
Տնօրեն Արամ Նավասարդյանը ներկայացրեց հետազոտության արդյունքները։
Ըստ այդմ՝ Երևան քաղաքի վերջին փոփոխությունները դրական է գնահատել քաղաքացիների 22%-ը, 59.7%-ը՝ ավելի շուտ դրական, բացասական է նշել 8.7%, ընդհանրապես բացսական է գնահատել 3.8%-ը։ Երևանցիները մայրաքաղաքի առաջին երեք կարևոր խնդիր նշել են, ըստ հերթականության, տրանսպորտի, աղբահանության և կանաչապատման խնդիրները։
Աղբահանության վիճակի բարելավումը առաջին տեղում է լուծված խնդիրներից՝ 32.8%, ասֆալտապատման խնդրի լուծումը 15%-ն է նշել։
Կազմակերպության մասնագետները նաև խնդրել են երևանցիներին գնահատել քաղաքապետ Հայկ Մարությանի և թաղապետերի աշխատանքը։ Հետաքրքրական է, որ քաղաքապետը ավելի ցածր է գնահատվել, քան առանձին թաղապետեր։
Գնահատումն իրականացվել է 1-ից 5 միավորանոց սանդղակով։ Հայկ Մարությանը 5 միավորանոց սանղդակում ստացել է 3.6 միավոր, որից բարձր ցուցանիշ ունի օրինակ՝ Դավիթաշենի թաղապետը՝ 4.2 միավոր, բարձր է գնահատվել նաև Շենգավիթի թաղապետի աշխատանքը՝ 3.9 միավոր, հաջորդում են Էրեբունի և Մալաթիա-Սեբաստիա վարչական շրջանների ղեկավարները՝ 3.8 միավորով։
Մանրամասները՝ տեսանյութում:
Ռոբերտ Անանյան
