12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Կոնտեքստից կտրում են. Մելիքբեկյանը՝ զենքերը խրամատում գցելու և Արցախը լքելու իր հայտարարության մասին. ՏԵՍԱՆՅՈՒԹ
Հասարակություն
23.12.2019 | 20:24
Հայաստանի Ֆուտբոլի ֆեդերացիայի նորընտիր նախագահ Արմեն Մելիքբեկյանը լրագրողների հետ զրույցում նշեց, որ պատրաստվում է համագործակցել բոլոր ակումբներին հետ և խոստանում է, որ ֆեդերացիայի և այլոց միջև անջրպետներ չեն լինելու:
«Այս ընտրությունները վերջին տարիների մեջ առաջին անգամ անցկացված մրցակցային ընտրություններն են, ինչը դրական գործընթաց է հայկական ֆուտբոլում: Սիրում և հարգում եմ ՀՖՖ-ի և՛ նախկին, և՛ ներկա գործկոմի անդամներին, և պատրաստ եմ նրանց հետ աշխատել: Հայկական ֆուտբոլում որևէ անջրպետ չի լինելու»,- ասաց նա:
Մելիքբեկյանը շեշտեց, որ ինքը երբեք ակումբային շահեր չի ունեցել և չի ունենալու, պատրաստ է համագործակցել բոլոր ակումբների հետ: ՀՖՖ նորընտիր նախագահն ընդգծեց, որ իր առանձնակի ուշադրությանը կարժանանա պրոֆեսիոնալ լիգայի ստեղծումը:
Դիտարկմանը, թե ինքը ժամանակին նշել է, որ պետք է զենքը գցել խրամատներում և լքել Արցախը, Մելիքբեկյանն ասաց, որ դրանք կոնտեքստից կտրված հայտարարություններ են:
Մանրամասները՝ տեսանյութում:
Նարեկ Կիրակոսյան
