13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ռեջեփ Թայիփ Էրդողանը կայցելի Վրաստան
Քաղաքականություն
23.12.2019 | 16:03
«Հավանաբար, մայիս ամսվա ընթացքում Թուրքիայի նախագահ Էրդողանը Վրաստան կայցելի», — խոսելով վրաց-թուրքական հարաբերությունների մասին, այսօր հայտարարել է Թուրքիայում Վրաստանի արտակարգ և լիազոր դեսպան Գիորգի Ջանջղավան. գրում է aliq.ge-ն:
«Մի քանի շաբաթ առաջ կայացավ վարչապետ Գիորգի Գախարիայի այցը Անկարա, ինչից հետո 14-ամյա դադարից հետո առաջին անգամ տեղի ունեցավ նաև տնտեսական հանձնաժողովի նիստը: Այս այցին հաջորդեց Գախարիայի մասնակցությունը TANAP-ի (Տրանսանատոլիական գազատարի) բացման արարողությանը: Մենք բանակցել ենք թուրքական կողմի հետ, որ, հավանաբար, փետրվարին Անկարայում կկայանա ռազմավարական հանձնաժողովի նիստ, ինչից հետո մայիսին հնարավոր է Թուրքիայի նախագահն այցելի Վրաստան»,- ասել է դեսպանը:
Ջանջղավան խոսել է նաև հնարավոր նոր նախագծերի մասին՝ նշելով, որ գլխավոր նպատակը առևտրաշրջանառության աճն է մինչև 3 մլրդ դոլարի սահմանը, սրա հետ մեկտեղ Վրաստանից արտահանման ծավալների աճ ապահովելը:
