30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Հայտնի է ՀՖՖ արտահերթ ժողովի ընթացակարգը
20.12.2019 | 17:21
Հայաստանի ֆուտբոլի ֆեդերացիայի իրավաբանական ծառայությունը ներկայացրել է ՀՖՖ Արտահերթ ժողովի և ընտրությունների անցկացման կարգը։
Ինչպես տեղեկացնում է ՀՖՖ մամուլի ծառայությունը, ժողովը կանցկացվի երկու փուլով։ Առաջին մասում չեն մասնակցի ՀՖՖ այն անդամները, որոնց անդամությունը կասեցվել է ՀՖՖ Գործադիր կոմիտեի դեկտեմբերի 6-ի և դեկտեմբերի 12-ի նիստերի ընթացքում։ Օրակարգի 6-րդ հարցի ժամանակ կքննարկի հենց այդ անդամների կասեցման հարցը։ Նախագահի ընտրությանը կմասնացեն այն անդամները, որոնց անդամությունը ժողովը չի կասեցնի։
Երկրորդ փուլում կանցկացվի ՀՖՖ նախագահի քվեարկությունը։ Երեք թեկնածուները 10-ական րոպե ելույթի իրավունք կստանան։ Ընտրությունը կանցկացվի կամ փակ, կամ բաց եղանակով (դա կորոշվի օրակարգի 5-րդ հարցի ժամանակ)։
Հիշեցնենք, որ ՀՖՖ նախագահի թեկնածուներն են անվանի ֆուտբոլիստ Խորեն Հովհաննիսյանը, «Վանաձորի ֆուտբոլի Ակադեմիա» ֆուտբոլային ակումբի սեփականատեր Թովմաս Գրիգորյանը և ֆեդերացիայի գլխավոր քարտուղար Արմեն Մելիքբեկյանը։
