06.10.2026 | 15:04
Ադրբեջանը հիմա էլ աղվանա-ուդիական համայնքի ներկայացուցիչների այց է կազմակերպել Արցախի Ծիծեռնավանք
Անշարժ գույքի առքուվաճառքի 4 990 գործարքների կողմ են հանդիսացել օտարերկրյա քաղաքացիները
Տնտեսություն
21.12.2019 | 15:41
Հաճախ ենք լսում լուրեր, թե օտար երկրի քաղաքացիները մայրաքաղաքում ձեոք են բերում բնակարաններ կամ առուվաճառքի կողմ են հանդիսանում: Ի դեպ՝ նման վիճակագրություն Կադաստրի կոմիտեն վարում է 2018-ից, համաձայն որի 2018 –ի ընթացքում Հայաստանում անշարժ գույքի 4 990 առուվաճառքի գործարքների կողմ են հանդիսացել օտարերկրյա քաղաքացիները։ Դա կազմել է հանրապետությունում իրականացված ընդհանուր առուվաճառքի գործարքների 10.9 %-ը։ Նախորդ տարիների մասին վիճակագրությունը բացակայում է, ուստի շարժը տեսանելի չէ:
Օտարերկրացիներն անշարժ գույք գնելիս նախապատվությունը տալիս են առավելապես Երևանին. 1 743 անշարժ գույքի կազմում 63.2 %-ը բաժին է ընկել Երևանին։ Համեմատաբար մեծ տեսակարար կշիռ ունեն նաև Կոտայքը՝ 11.1 % և Արմավիրը՝ 7.4 %:
Հայաստանում օտարերկրյա քաղաքացիների մասնակցությամբ անշարժ գույքի գործարքների կազմում մեծ է Ռուսաստանի Դաշնության քաղաքացիների կշիռը։ Գնորդներ և վաճառողներ կան նաև ԱՄՆ-ից, Իրանից, Սիրիայից, եվրոպական պետություններից և այլն:
Ըստ Կադաստրի կոմիտեի՝ օտարերկրյա քաղաքացիների կողմից գնված անշարժ գույքի թիվը 2018-ին կազմել է 1 743: Նշենք, որ 1 581 գործարքի դեպքում օտարերկրյա քաղաքացիները հանդիսացել են միայն գնորդ, 162-ի դեպքում՝ և գնորդ, և վաճառող:
1 743-ից 877-ը գնել են Ռուսաստանի քաղաքացիները։ Ի դեպ՝ նրանց թվում կարող են լինել հենց մեր հայրենակիցները, որոնք ապրում են արտերկրում և հանդիսանում են այդ երկրների քաղաքացիներ։ Սակայն նման վիճակագրություն մեզանում չկա։
Փաստենք միայն, որ 2019-ի հոկտեմբեր ամսում օտարերկյա քաղաքացիները Հայաստանում գնել են 243 միավոր անշարժ գույք, վաճառել՝ 419. կատարվել է 662 գործարք: Ակնհայտ է, որ 2019-ին օտարերկրյա քաղաքացիների կողմից իրականացված առուվաճառքի ցուցանիշը կգերազանցի 2018-ի ցուցանիշը՝ 4 990-ը:
Արմինե Ստեփանյան
