Մշակույթ
20.12.2019 | 12:23Երկիր ներկայացնող գեղեցկուհին պետք է կրի թանկարժեք զգեստ, թակարժեք աքսեսուարներ, ունենա թանկարժեք ֆոտոսեսիաներ ու թրեյնինգներ: Սակայն, Հայաստանի դեպքում, թե՛ հանրությունը, թե՛ հիմնադրամները, թե՛ պետությունը չեն աջակցում: Այս մասին այսօր հրավիրված ասուլիսի ընթացքում նշեց «Միսս Տիեզերք Հայաստան»-ի դիզայներ Գայանե Մանուկյանը:
«Գեղեցկուհին երկիր է ներկայացնում, ազգային մշակույթ, այլ ոչ թե երգ՝ ինչպես Եվրատեսիլում: Այս մրցույթն ավելի կարևոր է, քան Եվրատեսիլը»,- ասաց դիզայները:
Հիշեցնենք, որ այս տարվա հուլիսի վերջին տեղի ունեցած «Միսս տիեզերք Արմենիա 2019» գեղեցկության մրցույթում հաղթող ճանաչված Դայանա Դավթյանն օրերս մասնակցել էր «Միսս տիեզերք 2019»-ին, ինչից հետո համացանցում բուռն քննարկումներ էին ծավալվել՝ կապված նրա հագուստի, թագի և բեմական պահվածքի հետ:
Մանրամասները՝ տեսանյութում:
Նելլի Մելքոնյան
