27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
ԱԱԾ-ն երբեք՝ նույնիսկ նախկինում չի անցել «կարմիր գծերը». վարչապետը պնդեց՝ վստահում է ԱԱԾ-ին. ՏԵՍԱՆՅՈՒԹ
Քաղաքականություն
19.12.2019 | 17:16
Այս ընթացքում բազմաթիվ քննարկումներ, դիտարկումներ են եղել, թե ինչքանով եմ ես՝ որպես ՀՀ վարչապետ, վստահում Ազգային անվտանգության ծառայությանը, այն ԱԱԾ-ին, որը գործել է նաև այն ժամանակներում, երբ ես եղել եմ ընդդիմադիր քաղաքական գործիչ, դրանից առաջ՝ քաղբանտարկյալ: Այս մասին ասաց ԱԱԾ այցելած վարչապետ Նիկոլ Փաշինյանը:
«Բնականաբար, տարբեր ժամանակներում իրավապահ համակարգը, այդ թվում՝ ԱԱԾ-ն, աշխատում են տարբեր պայմաններում, տարբեր միջավայրում: Բայց ուզում եմ ասել, որ նույնիսկ այն ժամանակներում ԱԱԾ-ն, իր գործունեության հասկանալի նրբություններով, երբեք չի անցել այն «կարմիր գծերը», որոնք կարող են գոյություն ունենալ հանրային հարաբերություններում»,- ասաց նա:
Վարչապետը վստահեցրեց՝ նաև այդ պատճառով է, որ այսօր էլ՝ որպես ՀՀ վարչապետ, վստահում է ՀՀ Ազգային անվտանգության ծառայությանը:
«Որովհետև դա նաև իմ պատկերացումն է, որ ԱԱԾ-ն չպիտի լինի որևէ իշխանության գործունեության համատեքստում տեղավորվող ծառայություն: ԱԱԾ-ն բառիս բուն իմաստով ԱԱԾ պետք է լինի՝ առանց բացառության բոլոր իշխանությունների գործունեության ժամանակ»,- հավելեց Փաշինյանը:
Մանրամասները՝ տեսանյութում:
