2018 թվականին մեքենաներ են ձեռք բերվել, և այդ մեքենաները ձեռք չեն բերվել իմ ընտանիքի անդամների համար, այդ մեքենաները ձեռք են բերվել իմ ընտանիքի անդամների անվտանգությունն ապահովելու համար Պետական պահպանության ծառայության համար։ Այս մասին ֆեյսբուքի ուղիղ եթերի ժամանակ ասաց վարչապետ Նիկոլ Փաշինյանը։
«Ես այն ժամանակ նույնիսկ տեղյակ էլ չեմ եղել, որովհետև դա իմ գործառույթը չի եղել։ Ինչո՞ւ են այդ մեքենաները ձեռք բերվել, որովհետև ՀՀ սահմանված օրենքով պարտադիր պետական պահպանության ենթակա անձանց թիվն ավելացել է, այսինքն՝ ի հայտ են եկել նոր մարդիկ։ Օրինակ՝ Սերժ Սարգսյանի անվտանգությունը շարունակում է ապահովել, նախկինում պաշտոնավարածների անվտանգությունը, այսինքն՝ էլի են մարդիկ ավելացել, որոնց պետական պահպանությունն իրականացնելն օրենքով պարտադիր է։ Էդ նույնն է, թե ասեն՝ Մարիամ Փաշինյանի համար կալաշնիկովի ավտոմատներ, զրահաբաճկոններ, ռադիոկապ է ձեռք բերվել և այսպես շարունակ։ Այս մեքենաները ձեռք են բերվել օրենքով սահմանված գործառույթն իրականացնելու համար»,- նկատեց Նիկոլ Փաշինյանը։
Մանրամասները՝ տեսանյութում։
