15.07.2026 | 22:35
Ոստիկանությունը հայտնաբերել է սպանության, սպանության փորձի, խուլիգանության և ապօրինի հրազեն կրելու մեղադրանքով հետախուզվողներին
ՄԱԿ-ի ԳՎ-ն Ղրիմի հարցով բանաձև է ընդունել. Հայաստանը դեմ է քվեարկել
Քաղաքականություն
19.12.2019 | 14:43
ՄԱԿ-ի Գլխավոր վեհաժողովն ընդունել է Ուկրաինայի ներկայացրած՝ Ղրիմում և Սևաստոպոլում մարդու իրավունքների իրավիճակի մասին բանաձևը: Այս մասին գրում է ՌԻԱ Նովոստին:
Փաստաթղթին կողմ է քվեարկել 65 երկիր, 83-ը ձեռնպահ է մնացել, իսկ 23 պետություն դեմ է քվեարկել: Հակառուսական բանաձևին դեմ են արտահայտվել, մասնավորապես, Հայաստանը, Բելառուսը, Ղազախստանը, Ղրղզստանը, Չինաստանը, Իրանը, Սիրիան, Սերբիան և այլ երկրներ:
Ռուսական կողմից արդեն արձագանքել են ՄԱԿ-ի ընդունած բանաձևին: ՌԴ նախագահին առընթեր Ղրիմում մշտական ներկայացուցչության միջազգային-իրավական հարցերով աշխատանքային խմբի ղեկավար Ալեքսանդր Մոլոխովը հայտարարել է, որ Ղրիմում մարդու իրավունքների իրավիճակի հետ կապված ՄԱԿ-ի կողմից ընդունված ցանկացած բանաձև անիմաստ է՝ առանց թերակղզի օտարերկրյա առաքելությունների և իրավապաշտպանների այցելության:
Նրա խոսքով՝ Ղրիմի տարածաշրջան ՄԱԿ-ի առաքելության այցերի համար ոչ մի խոչընդոտ չկա: «Այդ մասին բազմիցս են հայտարարել ՌԴ ԱԳՆ-ն և Ղրիմի իշխանությունները»,- հավելել է Մոլոխովը:
