03.08.2026 | 11:30
Թրամփը հայտարարել է, որ Իրանի հետ բանակցությունները երկուշաբթի կվերսկսվեն
Էլեկտրոնային ուղեգրի համակարգին ենք անցնում․ Արսեն Թորոսյան. ՏԵՍԱՆՅՈՒԹ
Հասարակություն
19.12.2019 | 15:00
Կառավարությունն այսօր քննարկեց Հայաստանի Հանրապետության կառավարության 2004 թվականի մարտի 4-ի N 318-Ն որոշման մեջ փոփոխություններ և լրացումներ կատարելու մասին հարցը։
Հարցը զեկուցող առողջապահության նախարար Արսեն Թորոսյանը տեղեկացրեց, որ այս որոշման համաձայն՝ պետության կողմից երաշխավորված անվճար և արտոնյալ պայմաններով հիվանդանոցային բժշկական օգնության և սպասարկման ֆինանսավորումը մինչ օրս իրականացվում է սահմանափակված բյուջեի սկզբունքով և փաստացի 15 տարի միշտ ունեցել ենք տարվա սկզբում կնքվող պայմանագրեր, որոնց շրջանակներում բժշկական ծառայություններ մատուցող հաստատությունները պետք է տեղավորվեին մինչև տարվա վերջ։
«Սակայն պետական բյուջեի՝ առողջապահության հատվածի աճի շնորհիվ, ինչպես նաև էլեկտրոնային համակարգերի ներդրման շնորհիվ՝ որոշում է կայացվել, որ 3 ծրագրերի մասով անցում ենք կատարելու ֆինանսավորման նոր մեխանիզմի։ Առաջարկվում է ներդնել պայմանագրային գումարով բյուջեի չսահմանափակման սկզբունքը, որը կարելի է համարել հետվճարային համակարգ»,- ասաց նախարարը։
Արսեն Թորոսյանը կատարվող փոփոխությունների շրջանակում նաև տեղեկացրեց, որ էլեկտրոնային ուղեգրման համակարգին են անցնում, և թղթային ուղեգրերն աստիճանաբար հանում են։ «Ինքներս մեզ համար պարտավորություն ենք վերցրել մինչև ապրիլ ամիսն ամբողջությամբ ձերբազատվել թղթային ուղեգրից»,- նշեց Թորոսյանը։
Մանրամասները՝ տեսանյութում։
