01.11.2024 | 23:19
Հրդեհ Գյումրու տներից մեկում
Չոգևորվեք իմ ելույթից, ես անվերապահ աջակցում եմ Արայիկ Հարությունյանին․ Միքայել Զոլյան. ՏԵՍԱՆՅՈՒԹ
Քաղաքականություն
19.12.2019 | 12:42
Մեր քաղաքացիներից շատերը որոշակի մտահոգություններ ունեն Տերյան և Քոչար փողոցների մեջտեղում գտնվող տպարանի շենք հետ կապված, որտեղ այժմ որոշակի աշխատանքներ են կատարվում: Այսօր Ազգային ժողովում ասաց «Իմ քայլը» խմբակցության պատգամավոր Միքայել Զոլյանը:
«Ես ուզում եմ դիմել իմ շատ սիրելի ընկեր Արայիկ Հարությունյանին, իմ կողմից շատ հարգված և սիրված Նարինե Թուխիկյանին, որ այդ հարցը ևս մեկ անգամ քննեն: Եվ, եթե հնարավոր է, ես առաջարկում եմ այս պահին դադարեցնել այդ աշխատանքները, վերադառնալ այդ հարցի քննարկմանը, հանդիպել կամ ինչ-որ ձևաչափով շփվել երևանցիների հետ, ովքեր մտահոգություն ունեն, մասնագիտական համայնքի ներկայացուցիչների հետ»,- ասաց Զոլյանը:
Պատգամավորի խոսքով՝ եթե այդ մտահոգություններն անհիմն են, քննարկումների արդյունքում դրանք կվերանան:
«Ուզում եմ նաև խնդրել, որ այն մարդիկ, ովքեր ինչ-որ անհիմն մեղադրանքներ են հնչեցնում պարոն Հարությունյանի հասցեին և անգամ նախարարության անունը չեն կարողանում ճշգրիտ արտաբերել, իմ ելույթից հանկարծ չոգևորվեն, ես անվերապահ աջակցում եմ Արայիկ Հարությունյանին որպես մեր թիմի անդամ»,- հավելեց Միքայել Զոլյանը:
Մանրամասները՝ տեսանյութում:
