01.02.2026 | 18:27
Սաստիկ բքի և ցածր տեսանելիության պատճառով Վարդենյաց լեռնանցքը փակ է կցորդով տրանսպորտային միջոցների համար
Ռազմիկ Աբրահամյանը 2018թ. սեպտեմբերից մանկաբարձագինեկոլոգիական գծով ԱՆ խորհրդատու չէ. ԱՆ խոսնակ
19.12.2019 | 11:31
Առողջապահության նախարարության մամուլի խոսնակ Ալինա Նիկողոսյանը ֆեյսբուքյան գրառմամբ տեղեկացրել է, որ երեկ ապօրինի որդեգրության մեղադրանքով ձերբակալված Ռազմիկ Աբրահամյանը 2018թ. սեպտեմբերից մանկաբարձագինեկոլոգիական գծով ԱՆ խորհրդատու չէ:
«Սիրելի գործընկերներ,
Երեկվանից լրահոսում հայտնված հրապարակումներում անընդհատ շեշտվում է, որ Ռազմիկ Աբրահամյանը հանդիսանում է «գլխավոր գինեկոլոգ»:
Հարկ է նշել, որ առողջապահության նախարար Արսեն Թորոսյանը պաշտոնավարման սկզբից վերանայել է առողջապահության նախարարության (ԱՆ) գլխավոր մասնագետների ցանկը և 2018 թվականի սեպտեմբերի 7-ի նախարարի No 2300 – Ա հրամանով Ռազմիկ Աբրահամյանը դադարել է լինել ԱՆ խորհրդատու (նախկինում գլխավոր մասնագետ)` մանկաբարձագինեկոլոգիական գծով»,- գրել է նա:
