Քաղաքականություն
18.12.2019 | 17:18
ՀՀ նախագահ Արմեն Սարգսյանը դեռ չի որոշել՝ կստորագրի՞ «Սահմանադրական դատարանի մասին» օրենքում փոփոխությունների նախագիծը, որը նախատեսում է վաղաժամ թոշակի ուղարկել ՍԴ անդամներին, թե՞ կվիճարկի դրա սահմանադրականությունը:
ՀՀ նախագահի աշխատակազմի հասարակայնության հետ կապերի վարչությունից Factor.am-ին փոխանցեցին, որ «Սահմանադրական դատարանի մասին» սահմանադրական օրենքում լրացումներ կատարելու մասին» օրենքը նախագահի աշխատակազմը ստացել է դեկտեմբերի 12-ին:
«Սահմանադրության 129-րդ հոդվածի 1-ին մասի համաձայն՝ Հանրապետության նախագահի կողմից քսանմեկօրյա ժամկետում կայացված համապատասխան որոշման մասին սահմանված կարգով կտեղեկացվի»,- նշեցին նախագահի մամուլի ծառայությունում:
