01.09.2026 | 16:44
Հայաստանի երկաթուղու կառավարման իրավունքը հնարավոր է Ղազախստանին վաճառվի․ Միրզոյան
Խնդիրը շահութահարկն է․ տեղական ընկերությունները նախընտրում են ազատ տնտեսական գոտում գրանցել ընկերությունը. նախարար. ՏԵՍԱՆՅՈՒԹ
Տնտեսություն
18.12.2019 | 14:40
Տեղական ընկերությունները նախընտրում են իրենց ընկերությունները գրանցել ազատ տնտեսական գոտում։ Այս մասին տարեվերջյան ամփոփիչ ասուլիսի ժամանակ ասաց ՀՀ բարձր տեխնոլոգիական արդյունաբերության նախարար Հակոբ Արշակյանը։
«Ոլորտի ամենագլխավոր հարցերից մեկն այն է, թե ինչպես անել, որպեսզի միայն աշխատավարձը չգա Հայաստան։ Միջազգային ընկերությունների դեպքում քննարկում չկա, որովհետև մեծ կորպորացիաներն իրենց գլխամասը չեն բերի Հայաստան։ Տեղական ընկերությունների դեպքում հիմնական խոչընդոտը շահութահարկի բարձր տոկոսն է։ Իրենք նախընտրում են տանել և ազատ տնտեսական որևէ գոտում գրանցել ընկերությունը, այնտեղ գեներացնել ամբողջ գումարը և շահութահարկ չվճարել։ Հիմա ընկերություններ կան, որոնք բավականին մեծ գումարներ ունեն կուտակած դրսում, բայց եթե բերեն Հայաստան, միանգամից պետք է հարկվեն։ Մի քանի այլ նրբություններ էլ կան, բայց հիմնական խոչընդոտը շահութահարկի գոյությունն է»,- նշեց Հակոբ Արշակյանը։
Մանրամասները՝ տեսանյութում։
