01.09.2026 | 17:31
Տեր Արամը Միքայել արքեպիսկոպոս Աջապահյանին կվճարի 1 մլն դրամ և հերքում կտարածի․ դատարանը վճիռ է հրապարակել
«Սինոփսիս»-ը ոչ միայն ընկերության տեսքով, այլ նաև կրթական ծրագրերով է գնում Գյումրի․ Հակոբ Արշակյան. ՏԵՍԱՆՅՈՒԹ
Հասարակություն
18.12.2019 | 14:01
Մենք կարող ենք ասել, որ Գյումրին արդեն տեխնոլոգիական մեր երկրորդ կենտրոնն է դառնում, և«Սինոփսիս»-ը ոչ միայն ընկերության տեսքով, այլ նաև կրթական ծրագրերի տեսքով է գնում Գյումրի։ Այս մասին տարեվերջյան ամփոփիչ ասուլիսի ժամանակ ասաց ՀՀ բարձր տեխնոլոգիական արդյունաբերության նախարար Հակոբ Արշակյանը։
«Գյումրու և Վանաձորի տեխնոպարկերում 2019 թվականին վերապատրաստման դասընթացներ ենք իրականացրել, և Գյումրու տեխնոպարկում ունենք շուրջ 860 ուսանողներ։ Այնտեղ արդեն տեղակայված են 35 ընկերություններ, և այդ ընկերությունների ներկայությունը, կարծում եմ, լավ ցուցանիշ է, ինչպես նաև «Սինոփսիսի» այնտեղ տեղափոխվելը շատ լավ ցուցանիշ է և դրական կանդրադառնա»,- նկատեց Արշակյանը։
Նախարարի տեղեկացմամբ՝ Վանաձորում ընկերությունների թիվը հասնում է 20-ի, շուրջ 370 ուսանողներ են այնտեղ վերապատրաստում անցել։
«Մենք մյուս տարի այստեղ նույնպես ավելացնում ենք ֆինանսավորումը, քանի որ ոլորտում մասնագետների խիստ պակաս է զգացվում, և գնալով պահանջարկը մեծանալու է»,- նշեց Հակոբ Արշակյանը։
Նախարարը դպրոցականներին, ուսանողներին կոչ արեց ընտրել հատկապես ինժեներական ուղղությունները։ «Ունենալով բավարար կրթություն՝ կարող եմ հավաստիացնել, որ իրենք կկարողանան Հայաստանում աշխատանք գտնել»,- ասաց ՀՀ բարձր տեխնոլոգիական արդյունաբերության նախարարը։
Մանրամասները՝ տեսանյութում։
