12.01.2026 | 11:51
Եթե խելոք չպահեն, ժողովուրդը պետք է ոտքի կանգնի և իրենց տեղը դնի․ Սինանյանը՝ եկեղեցու որոշ ներկայացուցիչների մասին․ ՏԵՍԱՆՅՈՒԹ
Պակիստանի նախկին նախագահին մահապատժի են դատապարտել
Քաղաքականություն
17.12.2019 | 14:43
Պակիստանի նախկին նախագահ Փերվեզ Մուշարաֆին, որին մեղադրում են պետական դավաճանության մեջ, մահապատժի են դատապարտել: Այս մասին գրում է ՌԻԱ Նովոստին՝ վկայակոչելով Samaa հեռուստաալիքը:
Որոշումը կայացրել է հատուկ դատարանի կոլեգիան, որի երեք անդամներից բարձրագույն պատժի օգտին քվեարկել են երկուսը:
Քննության տվյալներով՝ Մուշարաֆը, որը Պակիստանը ղեկավարել է 2001-2008 թվականներին, պետական դավաճանություն է գործել 2007-ին, երբ արտակարգ դրություն է սահմանել և հրահանգել է ձերբակալել Բարձրագույն դատարանի անդամներին: Մուշարաֆի նկատմամբ քրեական գործը հարուցել են 2013 թվականին, կառավարության նախաձեռնությամբ:
2016-ի մարտին, երբ Գերագույն դատարանը նախկին նախագահին հանել է այն անձանց ցանկից, որոնց արգելված է լքել երկիրը, 72-ամյա Մուշարաֆն ԱՄԷ է մեկնել՝ բուժման:
Փերվեզ Մուշարաֆը դեռևս Դուբայում է և, ըստ նախաքննության, թաքնվում է արդարադատությունից:
