01.04.2026 | 22:38
Ավստրալիայի վարչապետը բնակիչներին կոչ է արել խնայել վառելիքը
Հոգեկան առողջության խնդիրներ ունեցող տղամարդն ասեղ է կուլ տվել. «Սուրբ Գրիգոր Լուսավորիչ» ԲԿ-ում նրան վիրահատել են
Հասարակություն
17.12.2019 | 14:05
Օրերս հոգեկան առողջության պահպանման կենտրոններից մեկի 57-ամյա տղամարդ խնամառուին որովայնի սուր ցավերի գանգատով տեղափոխել էին «Սուրբ Գրիգոր Լուսավորիչ» բժշկական կենտրոն:
«Սուրբ Գրիգոր Լուսավորիչ» ԲԿ-ի լրատվական ծառայությունից հայտնում են, որ տղամարդը պնդել է, թե որովայնի ցավերի սաստկությունը ասեղ կուլ տալու հետևանքով է: Կենտրոնում իրականացված հետազոտությամբ հաստատել են տղամարդու ասածը՝ ստամոքսից դուրս՝ որովայնի խոռոչում, հայտնաբերվել է ասեղ:
Ընդհանուր վիրաբուժական բաժանմունքի վիրաբույժները ախտորոշիչ հետազոտություններից հետո որոշել են վիրահատական միջամտությամբ հեռացնել ասեղը:
Մեկ ժամ տևած վիրահատության ընթացքում ասեղը հեռացվել է, այն տվյալ պահին եղել է ստամոքսից դուրս և արդեն իսկ հասցրել է վնասել ստամոքսի առաջնային պատն ու մեծ ճարպոնը: Հիվանդն այսօր դուրս կգրվի:
