01.09.2026 | 16:44
Հայաստանի երկաթուղու կառավարման իրավունքը հնարավոր է Ղազախստանին վաճառվի․ Միրզոյան
Վրաստանի ընդդիմությունը չի նահանջում
Քաղաքականություն
17.12.2019 | 11:25
Վրաստանի ըննդիմությունը Լեյբորիստական կուսակցության գրասենյակում հերթական հանդիպումից հետո հայտարարել է իր առաջիկա պլանների մասին: Ըստ նրանց` Վրաստանի շրջաններում պետք է կազմակերպվեն մեծամասշտաբ ցույցեր: Դեկտեմբերի 21-ին ցույցեր կանցկացվեն Զուգդիդիում, իսկ 22-ին` Բաթումիում. գրում է aliq.ge-ն:
«Եվրոպական Վրաստան» կուսակցության առաջնորդներից Գիգի Ուգուլավայի խոսքով` այս շաբաթ նշանակված խորհրդարանի արտահերթ նիստին ևս նրանք կփորձեն արգելափակել խորհրդարանի մուտքերը:
«Առավոտվանից կարգելափակենք, ինչպես միշտ: Մեզ համար նախաճաշն ու խորհրդարանի արգելափակումը նույն հասկացությունն են, իսկ մեծամասնության համար այն դարձել է խաշ, քանի որ երբեմն ժամը 6-ին են գալիս խորհրդարան»,- հայտարարել է Ուգուլավան:
Հիշեցնենք՝ դեկտեմբերի 15-ին դիվանագիտական կորպուսի մասնակցությամբ կայացավ իշխող ու ընդդիմադիր կուսակցությունների ներկայացուցիչների հանդիպում-բանակցությունների երրորդ փուլը, որից հետո էլ, սակայն, կողմերը կրկին ընտրական համակարգի շուրջ համաձայնության չեկան:
Կողմերի միջև այս տարվա վերջին հանդիպումը տեղի կունենա դեկտեմբերի 20-ին:
