20.02.2026 | 12:38
Թրամփը մեկ տարով երկարաձգել է Ռուսաստանի դեմ պատժամիջոցները
Սերժ Սարգսյանը, Ռուբեն Հայրապետյանը և Արթուր Վանեցյանը պատրաստ են ձերբակալության. ԵզրաԿԱՑՈՒԹՅՈՒՆ
Քաղաքականություն
16.12.2019 | 20:45
Իշխանափոխությունից հետո իրավապահների բացահայտումների համատեքստում նախկին բարձրաստիճան պաշտոնյաներ անցնում են տարբեր քրեական գործերով: Նրանցից մի քանիսը կալանավորվել է, մեծ մասը հետախուզվում է։ Կան նաև մի շարք նախկին պաշտոնյաներ, որոնց կալանավորման հարցը հաճախակի է քննարկվում:
Երրորդ նախագահ, ՀՀԿ նախագահ, մոտ կես միլիարդ դրամ գումարի հափշտակության կատարումը կազմակերպելու համար մեղադրվող Սերժ Սարգսյանը իր հավանական ձերբակալության մասին ասել է. «Եթե ինձ ձերբակալելով մեր ժողովուրդը գոհ ու երջանիկ կլինի, եթե ինձ ձերբակալելով Մարտի 1-ը, Հոկտեմբերի 27-ը կհամարվի ամբողջովին բացահայտված, մեր երկրին սպառնացող վտանգները կչեզոքանան, ԼՂ բանակցությունները կվերադառնան ճիշտ ուղի՝ թող ձերբակալեն»:
ՀՖՖ նախկին նախագահ, ՀՀԿ-ական նախկին պատգամավոր, մեր տեղեկություններով 2,7 մլն դոլարի յուրացման համար կասկածվող Ռուբեն Հայրապետյանն իր ձերբակալության մասին նշել է. «Եթե ինձ ձերբակալելով մեր հավաքականը չի պարտվելու, խնդիր չկա, թող ձերբակալեն»:
Իսկ ահա ԱԱԾ նախկին տնօրեն, ՀՖՖ նախկին նախագահ Արթուր Վանեցյանը Factor.am-ի հարցին՝ արդյոք իրեն կձերբակալե՞ն, պատասխանել է. «Եթե իմանամ՝ ինչի համար են ձերբակալում, թող ձերբակալեն»:
Մանրամասները՝ տեսանյութում:
Նարեկ Կիրակոսյան
