Քաղաքականություն
16.12.2019 | 14:30«Պարո՛ն քաղաքապետ, առաջին և հիմնական պատճառը ամբիոնից ելույթ ունենալու այն է, որ Ձեր՝ ցինիզմի հասնող ծիծաղը չտեսնեմ դիմացիս նստած, որովհետև չեմ կարող կողքերս նայելով խոսեմ»,- այսօր Երևանի ավագանու արտահերթ նիստի ժամանակ հայտարարեց «Լույս» խմբակցության անդամ Թեհմինա Վարդանյանը:
Ավագանու անդամն ասաց՝ քաղաքապետը «կիքս» է տվել՝ նախորդ ելույթի ժամանակ անջատելով իր բարձրախոսը:
«Ուզում եմ հստակ ֆիքսենք՝ իմ խոսքի երկրորդ նախադասությունից ընդհատվեց և նույնիսկ չլսվեց՝ ես հարցի հետ խոսելո՞ւ եմ, թե՞ ոչ, որովհետևի քաղաքապետը դեռ նախկին աշխատանքի տակ, արդեն հասկանալի է, որ դուբլ մեկ, դուբլ երկու, դուբլ երեք չի լինելու, և ինքը կոնկրետ կիքս է տվել և արդեն որերորդ անգամ անջատելով ընդդիմադիր ավագանու բարձրախոսը՝ փորձում է լղոզել իր տված կիքսը»,- ասաց ավագանու անդամը:
Թեհմինա Վարդանյանը հայտարարեց, որ քաղաքապետն է իրեն կոմֆորտ զգացել նախորդ իշխանություների օրոք՝ անդրադառնալով Հայկ Մարությանի այն հայտարարությունը, թե ՀՀԿ-ի օրոք «Լույս» խմբակցության անդամներն իրենց հաճելի են զգացել:
«Ուզում եմ հիշեցնեմ, որ Դուք էիք այն հարցազրույց տվող դերասանը, ով ասում էր, որ ես հպարտ եմ, որ իմ որդին ծնվել է Սերժ Սարգսյանի երդմնակալության օրը: Պարո՛ն քաղաքապետ, Դուք էիք «Արմենիա» հեռուստաընկերության գլխավոր սեփականատիրոջ հետ օպերայի այն «Ջազվե»-ում, որը քանդել տվեցիք, գրեթե օրը մեջ ջերմուկի շշի շուրջ բանակցություններ վարում: ՀՀԿ-ի կոմֆորտից մի խոսեք: Պարո՛ն քաղաքապետ, այդ Դուք էիք, որ Գագիկ Խաչատրյանի որդիներին Whatsapp-ով, մինչև այսօր, այդ ձայնագրություններն էլ ես ունեմ… մի՛ արեք այնպես, որ ես դա հրապարակեմ, ձեր աչքերը ոնց որ լցվում են, չգիտեմ՝ ծիծաղի՞ց է, թե՞ լացներդ է գալիս Ձեր կարգավիճակի վրա»,- ասաց նա:
Հայկ Մարությանը ժպիտով պատասխանեց, որ բավականին զվարճալի էր և խնդրում է՝ հրապարակել բոլոր բացահայտումները, անհամբեր սպասում է:
Մանրամասները՝ տեսանյութում:
Նարեկ Կիրակոսյան
