13.05.2026 | 19:52
Ո՞վ չի կարող քվեարկել․ ամենը, ինչ պետք է իմանալ ընտրություններից առաջ. ՏԵՍԱՆՅՈՒԹ
«Լիդիան Արմենիան» դատի է տվել Գևորգ Սաֆարյանին
Հասարակություն
16.12.2019 | 13:44
«Լիդիան Արմենիա» ընկերությունը դատի է տվել «Սասնա Ծռեր» կուսակցության քարտուղարության անդամ Գևորգ Սաֆարյանին.տեղեկանում ենք Դատական տեղեկատվական համակարգից:
«Լիդիան Արմենիա» ընկերությունը պահանջում է Սաֆարյանին պարտավորեցնել զրպարտություն համարվող տվյալները հերքել, գործարար համբավն արատավորող արտահայտությունների համար փոխհատուցել և նախապես վճարված պետական տուրքի գումարը բռնագանձել:
Հայցի պատճառ է հանդիսացել նոյեմբերի 13-ին Գևորգ Սաֆարյանի «irakanum.am» լրատվամիջոցին տրված՝ «Իշխանությունները պետք է բացահայտեն կոռուպցիոն այն գործարքները, որոնցում ներգրավված է եղել «Լիդիան Արմենիան» վերնագրով հարցազրույցը: Սաֆարյանն այդ հարցազրույցի ժամանակ ասել է, որ «Լիդիանը» նախորդ իշխանությունների հետ ապօրինի գործարքների միջոցով ստացել է հանքի շահագործման թույլտվություններ և ամեն կերպ փորձելու է շահագործել հանքը:
Գևորգ Սաֆարյանը factor.am-ի հետ զրույցում ասաց, որ հայցը չի ստացել, իսկ այն վերաբերում է Ամուլսարի հանքարդյունաբերությանը, ապա չի պատրաստվում հերքել:
