04.03.2026 | 09:48
Արտարժույթների փոխարժեքները՝ մարտի 4-ի դրությամբ
ՀՀ-ն ռազմավարական կարևորություն ունի. Նիդեռլանդների ԱԳՆ-ն՝ Երևանում դեսպանատուն բացելու մասին
Քաղաքականություն
16.12.2019 | 12:51
Նիդեռլանդների արտաքին գործերի նախարարության կայքում հրապարակվել է Հայաստանում դեսպանություն բացելու հիմնավորումը: Այս մասին «Ֆեյսբուք»-ի իր էջում գրառում է կատարել Նիդերլանդներում ՀՀ դեսպան Տիգրան Բալայանը:
«Հայաստանը գտնվում է Ռուսաստանի, Թուրքիայի և Իրանի միջև, հետևաբար ռազմավարական կարևորություն ունի: 2018 թ. ապրիլին, այսպես կոչված, թավշյա հեղափոխությունից հետո նոր կառավարությունն արդիականացնում է երկիրը և պայքարում է կոռուպցիայի դեմ: Նիդեռլանդները կարող է աջակցել այս գործընթացին: Այս պահին Հայաստանը տարածաշրջանում միակ երկիրն է, որտեղ Նիդերլանդները դեսպանատուն չունի: Ներկայացուցիչների պալատը ցանկանում է դեսպանատուն բացել նաև Երևանում»,- ասված է հիմնավորման մեջ:
