27.04.2026 | 20:27
ՀՔԱՎ-ը ահազանգում է ընտրովի արդարադատության մասին․ քրեական վարույթ է նախաձեռնվել միայն Ուրիխանյանի հրապարակումների հիմքով
Պարո՛ն քաղաքապետ, հերիք է ցինիկ ծիծաղեք. Հայկ Մարությանն անջատեց Թեհմինա Վարդանյանի խոսափողը. ՏԵՍԱՆՅՈՒԹ
Քաղաքականություն
16.12.2019 | 14:09
Երևանի ավագանու արտահերթ նիստի ժամանակ «Լույս» խմբակցության անդամների և քաղաքապետ Հայկ Մարությանի միջև միջադեպ տեղի ունեցավ, երբ Թեհմինա Վարդանյանն անդրադարձավ քննարկվող նախորդ հարցին ու քաղաքապետի ելույթին՝ կապված աղբի տեսակավորման ու վտանգավոր աղբի հետևանքներին:
«Ուզում եմ խնդրել ու հորդորել՝ մի փոքր ավելի մտածված խոսել, Դուք կոպտագույն սխալ թույլ տվեցիք: Որ ասում եք՝ վտանգավոր թափոնները տարվում են Նուբարաշենի աղբավայր, Ձեր այս արտահայտությունն ուղղակիորեն անթույլատրելի է, որովհետև կան կազմակերպություններ, որոնք հիվանդանոցներից կիլոներով կշռում են այդ աղբը… Պարո՛ն քաղաքապետ, հերիք է, էլի, տենց ցինիկ ծիծաղեք, խնդրում եմ Ձեզ»,- ասաց ավագանու անդամը, երբ քաղաքապետը ելույթին ժպիտով պատասխանեց:
Այնուհետ Հայկ Մարությանն արձագանքեց Թեհմինա Վարդանյանի ելույթին:
«Վայ, վայ, վայ, տիկի՛ն Վարդանյան, թեմայից մի շեղվեք, այսուհետ՝ ելույթները թեմայի շուրջ… Ձեր խոսքը չի կարող ժպիտ չառաջացնել, որովհետև վտանգավոր թափոնները միայն առողջապահականը չեն, վտանգավոր թափոններ են նաև մարտկոցները, համակարգիչները, էկրանները և այլն»,- ասաց քաղաքապետը:
Մանրամասները՝ տեսանյութում:
Նարեկ Կիրակոսյան
