15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
Իշխանության ներսում նախկինից մնացած համակարգեր պատրաստ են ետ շրջել այս ընթացքը, եթե այդպիսի հարմար պահ և հնարավորություն ստեղծվի. Արման Բաբաջանյանը հավաք է կազմակերպել
Քաղաքականություն
14.12.2019 | 13:38
ՀՀ ԱԺ պատգամավոր Արման Բաբաջանյանը հավաք է կազմակերպել «Հավաք հանուն ապագայի, հանուն հանրապետության» խորագրով:
Հավաքին բացման խոսքով հանդես եկավ պատգամավորը ՝ ասելով. «Միավորման գաղափարը շատ պարզ է ու հստակ: 2018 թվականի թավշյա հեղափոխությունը ինքնիշխան և ժողովրդավարական պետության կերտման պատմական հնարավորություն է ստեղծել: Սակայն հեղափոխության, դրա անշրջելիության գաղափարը վտանգի է ենթարկվում ամեն օր: Վտանգը բխում է ակնհայտ ռևանշի օրակարգ ունեցող նախկին հանցավոր իշխանության ներկայացուցիչների կողմից, որոնց նպատակը ամեն գնով հեղափոխության ընթացքը կանգնեցնելն ու հին Հայաստանը վերադարձնելն է»:
Ապա պատգամավորը նկատեց, որ, ցավոք, հեղափոխությանը սպառնացող վտանգները չեն սահմանափակվում միայն նախկին իշխանության ներկայացուցիչների նկրտումներով: Հեղափոխությանը վտանգում են նաև իշխանության բազմաթիվ ներկայացուցիչներ, իշխանության ներսում գտնվող շերտեր, վտանգում են իրենց ոչ պրոֆեսիոնալիզմով ու կոմպետենտությամբ:
«Հեղափոխությունն ունի պաշտպանության կարիք, ինչպես ռևանշիստներից, այնպես էլ իշխանության մաս կազմող անհատներից ու համակարգերից: Իշխանության ներսում նախկինից մնացած համակարգեր պատրաստ են ետ շրջել այս ընթացքը, եթե այդպիսի հարմար պահ և հնարավորություն ստեղծվի»,- նկատեց պատգամավորը:
