21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ինչպես վերացնել հեղափոխության դեմ դիմադրությունը․ Հակոբ Բադալյանի տարբերակները. ՏԵՍԱՆՅՈՒԹ
Քաղաքականություն
13.12.2019 | 18:43
Կառավարության երեկվա նիստում վարչապետ Նիկոլ Փաշինյանը կոշտ գնահատականներ է հնչեցրել պետական կառավարման համակարգի վերաբերյալ, անգամ մեղադրել հեղափոխությանը դիմադրելու համար։
«Էս տարվա տնտեսական բոլոր ցուցանիշները և ընդհանրապես ամեն ինչը՝ արվում ա ի հեճուկս պետական կառավարման համակարգի, ինչ հաջողություն և ձեռքբերում մենք էսօր ունենք ի հեճուկս կառավարման համակարգի։ Կոռուպցիայի դեմ պայքարը էլի տեղի է ունենում ի հեճուկս պետական կառավարման համակարգի։ Իրավապահ համակարգին պետք ա իրավապահ համակարգին ժամանակ առ ժամանակ ասես՝ բա ի՞նչ եղավ։ Ամբողջ պետական համակարգը հեղափոխությանը դիմադրում ա, և այդ դիմադրությունը ես ջարդելու եմ, չկա ուրիշ տարբերակ»,- ասել է վարչապետը։
Դիմադրության ու սաբոտաժի մասին Նիկոլ Փաշինյանը առաջին անգամ չէ, որ բարձրաձայնում է, ասում է քաղաքական վերլուծաբան Հակոբ Բադալյանը, բայց, ըստ նրա, հեղափոխական ալիքի վրա իշխանության եկած ուժը ոչ թե դիմադրությունը ջարդելու, այլ՝ համակարգը կառավարելու խնդիր պիտի իր առաջ դնի։ Հեղափոխությանը դիմադրություն ցույց տալու որպես առաջին գործոն նշում է քաղաքականը․ «Գուցե կան մարդիկ, որոնք շարունակելով մնալ համակարգում, այդուհանդերձ, չեն ընդունում նոր իշխանությանը, նոր փոփոխությունը և փորձում են մանր սաբոտաժային դրսևորումներ անել, բայց և չեմ կարծում որ այս երևույթը կարող է մեծ և ազդեցիկ լինել»։
Մանրամասները՝ տեսանյութում:
Ռոբերտ Անանյան
