27.04.2026 | 20:27
ՀՔԱՎ-ը ահազանգում է ընտրովի արդարադատության մասին․ քրեական վարույթ է նախաձեռնվել միայն Ուրիխանյանի հրապարակումների հիմքով
Ուզում եմ կենտրոնանալ դրականի վրա և արձանագրել՝ Ադրբեջանը կառուցողական եղավ ծրագիրն իրականացնելիս. Աննա Նաղդալյան. ՏԵՍԱՆՅՈՒԹ
Քաղաքականություն
13.12.2019 | 17:39
Այս ծրագրի իրականացումը վստահության ամրապնդման և կողմերի միջև հանրային մակարդակով երկխոսության խոստումնալից օրինակ է: Այսօր լրագրողների հետ հանդիպմանը պատասխանելով հայ և ադրբեջանցի լրագրողների փոխայցերի մասին հարցին՝ ասաց ՀՀ ԱԳՆ խոսնակ Աննա Նաղդալյանը:
«Իհարկե՝ հրաշքներ այս մեկ այցելությունից սպասել պետք չէ: Մենք գիտենք, որ Հայաստանում և Արցախում առկա են լրատվական տարբեր դաշտեր, և ակնկալել, որ ադրբեջանական կողմի մեկնաբանություններն ու լրատվամիջոցների հրապարակումներն ամբողջությամբ զերծ են լինելու քարոզչական կաղապարներից՝ մեր կողմից միամտություն կլիներ»,- փաստեց նա:
ԱԳՆ խոսնակը, միաժամանակ, հավելեց, որ այս ծրագրի իրականացումը, այնուամենայնիվ, դրական են գնահատում:
«Ես ձեռնպահ կմնամ մեկնաբանելու տարբեր ընկալումները: Սակայն ցանկանում եմ կենտրոնանալ դրականի վրա ու արձանագրել, որ Ադրբեջանը կառուցողական եղավ ծրագրի իրականացման գործում»,- ասաց Նաղդալյանը:
Մանրամասները՝ տեսանյութում:
