Քաղաքականություն
13.12.2019 | 17:12Այսօր հրավիրված ճեպազրույցում ՀՀ ԱԳՆ խոսնակ Աննա Նաղդալյանը ներկայացրեց Հայաստան-Եվրամիություն համաձայնագրի վավերացման ընթացքը:
Նրա տեղեկացմամբ՝ նոյեմբերի 5-ին համաձայնագիրը վավերացրել է Սլովենիան, որն ուժի մեջ է մտել նոյեմբերի 19-ին: Նոյեմբերի 13-ին փաստաթուղթը վավերացրել է Խորվաթիան. այս օրենքն էլ ուժի մեջ է մտել նոյեմբերի 21-ին, իսկ դեկտեմբերի 4-ին համաձայնագիրը վավերացրել է Իռլանդիան:
«Երեկ էլ Նիդեռլանդների Ներկայացուցիչների պալատը միաձայն որոշում է կայացրել ՀՀ-ԵՄ համաձայնագիրը վավերացնելու մասին և այն փոխանցել Սենատի վավերացմանը»,- հավելեց նա:
Նիդեռլանդների կողմից Հայաստանին վերաբերվող ևս մեկ որոշում է ընդունվել: Աննա Նաղդալյանի փոխանցմամբ՝ այդ երկրի ԱԳՆ-ի ֆինանսական միջոցները վերաբաշխվել են, արդյունքում ԱԳՆ-ին միջոցներ են հատկացվել՝ հաջորդ տարի Հայաստանում ռեզիդենտ դեսպանություն բացելու համար: «Մենք դա գնահատում ենք որպես քաղաքական աջակցություն՝ Հայաստանում իրականացվող բարեփոխումներին»,- ասաց ԱԳՆ խոսնակը:
Մանրամասները՝ տեսանյութում:
