28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
Լեռնային Ղարաբաղը երբևէ չի եղել երկհամայնքային միավոր. ԱԳՆ խոսնակը՝ բանակցություններին Արցախի «ադրբեջանական համայնքի» մասնակցության մասին. ՏԵՍԱՆՅՈՒԹ
Քաղաքականություն
13.12.2019 | 17:28
Ղարաբաղյան հակամարտության կողմերի վերաբերյալ Հայաստանի դիրքորոշումը հստակ է. կա 1994 թվականի ԵԱՀԿ Բուդապեշտի գագաթնաժողովի եզրափակիչ փաստաթղթում ամրագրված եռակողմ բանակցային ձևաչափը, որը բխում է 1994թ. եռակողմ հրադադարի համաձայնագրից: Այսօր հրավիրված ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը:
Նա հավելեց նաև, որ կողմերի պատվիրակությունների կազմի որոշումը կողմերի իրավասության դաշտում է:
Անդրադառնալով ՌԴ ԱԳ նախարար Սերգեյ Լավրովի հայտարարությանը, որ կողմ է ղարաբաղյան երկու համայնքների միջև շփումների վերականգնմանը, ինչպես նաև հայկական կողմից հնչած հայտարարություններին, որ դեմ չեն, որպեսզի բանակցություններին Ալևի հետ մասնակցեն նաև իրենց Լեռնային Ղարաբաղի ադրբեջանական համայնք համարող մարդիկ՝ Աննա Նաղդալյանն ասաց. «Լեռնային Ղարաբաղն իր պատմության ընթացքում երբեք չի եղել երկհամայնքային միավոր: Անգամ խորհրդային տարիներին Լեռնային Ղարաբաղը եղել է հայկական ինքնավարություն: Չնայած Ադրբեջանի կողմից իրականացված քաղաքականությանը՝ փոխելու Արցախի ժողովրդագրական պատկերը՝ ի հաշիվ ադրբեջանցիների վերաբնակեցման, հայերը Լեռնային Ղարաբաղում կազմել են բացարձակ մեծամասնություն»:
Մանրամասները՝ տեսանյութում:
