17.09.2026 | 23:38
Սամվել Կարապետյանի տնային կալանքը երկարաձգվել է
Բազմիցս գլուխս կախել եմ և անհարմար եմ զգացել․ Նաիրա Զոհրաբյան. ՏԵՍԱՆՅՈՒԹ
Քաղաքականություն
13.12.2019 | 12:30
Ազգային ժողովում քննարկվում է Կառավարության կողմից ներկայացված Ոստիկանության մասին օրենքում լրացումներ և փոփոխություն կատարելու մասին օրենքի նախագիծն երկրորդ ընթերցմամբ և ամբողջությամբ ընդունելու մասին հարցը։
Ելույթով հանդես եկավ «Բարգավաճ Հայաստան» խմբակցության պատգամավոր Նաիրա Զոհրաբյանը։ Նա կարևորեց այս նախագիծը և նշեց, որ տարիներ շարունակ Եվրոպայի խորհրդի Խոշտանգումների կանխարգելման խորհուրդը բազմիցս անդրադարձել է Հայաստանին, որ ցուցմունքները կորզում են խայտառակ խոշտանգումներով։
«Տեխնիկական հագեցվածության խնդիրը մենք դեռ շատ ավելի վաղ պետք է լուծեինք, որովհետև այսօր Մարդու իրավունքների հանձնաժողովը ստանում է տասնյակ և հարյուրավոր նամակներ՝ խնդրելով միջնորդել, որպեսզի վերաբացվեն բոլոր այն գործերը, որոնք կայացվել են խոշտանգումների արդյունքում կորզված ցուցմունքների հիման վրա։ Կարևոր է, որ մենք իսկապես կարողանանք այդ 20 և ավելի տարիների արատավոր ավանդույթը՝ խոշտանգումների, ահաբեկումների, շանտաժի, սպառնալիքների միջոցով կորզել ցուցմունքներ և դա դնել դատավճռի հիմք, մենք կարողանանք, գոնե, այս քայլերով խնդիրը մեղմացնել»,- ասաց Զոհրաբյանը։
Նա ընդգծեց, որ ինքը՝ որպես Եվրոպայի խորհրդի խորհրդարանական վեհաժողովի պատգամավոր, բամիցս գլուխը կախել է, անհարմար է զգացել, երբ որ Հայաստանը եղել է այն ցուցակում, որտեղ ցուցմունքները կորզում են խոշտանգումներով։ «Կարծում եմ՝ այս օրենքն էական դրական քայլ կլինի այդ արատավոր երևույթը կանխելու ճանապարհին»,- նկատեց Նաիրա Զոհրաբյանը։
Մանրամասները տեսանյութում։
