12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Զինծառայողների նյութական ապահովության վրա պետք է շեշտը դնել․ Գևորգ Պետրոսյան. ՏԵՍԱՆՅՈՒԹ
Քաղաքականություն
13.12.2019 | 11:45
Ազգային ժողովում քննարկվում է Կառավարության կողմից ներկայացված Զորամասերի և զինվորական հաստատությունների կարգավիճակի մասին ՀՀ օրենքում լրացում կատարելու մասին և Զինվորական ծառայության զինծառայողի կարգավիճակի մասին ՀՀ օրենքում լրացումներ կատարելու մասին օրենքների նախագծերի փաթեթն երկրորդ ընթերցման և ամբողջությամբ ընդունելու հարցը։
Ելույթով հանդես եկավ «Բարգավաճ Հայաստան» խմբակցության պատգամավոր Գևորգ Պետրոսյանը։ Նա նկատեց, որ եթե այսօր խոսում են զինվորական ծառայության մասին, չպետք է անտեսեն նյութական ապահովության խնդիրը։
«Բուն նախագծին չի վերաբերում, բայց կոչ եմ անում Պաշտպանության նախարարությանը շեշտը դնել զինծառայողների նյութական ապահովության վրա։ Մենք այս տաք դահլիճում մեր գործն ենք անում, բայց մարդիկ ցրտին սահման են պահում, իրենց նյութական ապահովության մասին պետք է մտածել։ Եվ եթե ամենավերին մակարդակներով հնչում է, որ բյուջեում փող կա և ծախսելու տեղ չկա, ես հուշում եմ ձեզ՝ ծախսելու տեղը, բյուջեի գումարը ծառայեցրեք մեր անվտանգությունն ապահովող մարդկանց շահերն պահովելու համար»,- նշեց Պետրոսյանը։
Մանրամասները տեսանյութում։
