27.04.2026 | 18:19
«Ֆոքսիսը»՝ բասկետբոլի կանանց Հայաստանի չեմպիոն․ ՏԵՍԱՆՅՈՒԹ
«Հուսամ՝ չի կրկնվի սպորտային վաշտերը ծառայությունից ազատվելու վայրերի վերածման վատ պրակտիկան». Քրիստինե Պողոսյան. ՏԵՍԱՆՅՈՒԹ
Քաղաքականություն
12.12.2019 | 18:30
Այս օրինագիծը կարևոր է այնքանով, որ ապահովվում է կրթության շարունակական լինելը, իսկ սպորտի բնագավառում այդ տարիքում երկու տարին կարող է լուրջ հետևանք ունենալ, և մարզիկը դուրս կմնա իր բոլոր հետագա նվաճումներից: «Հայաստանի Հանրապետության Զինված ուժերի կարգապահական կանոնագիրք» ՀՀ օրենքում փոփոխություններ և լրացումներ կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու մասին հարցի քննարկման ժամանակ ասաց «Իմ քայլը» խմբակցության պատգամավոր Քրիստինա Պողոսյանը:
Նշենք, որ օրինագծի հաստատվելու դեպքում նախատեսվում է վերականգնել բանակի մարզական ակումբը և զինվորական ծառայության զորակոչել արդեն իսկ սպորտում հաջողություններ ունեցած այն քաղաքացիներին, որոնք չեն ընդգրկվում նշանակալի նվաճումներ գրանցած քաղաքացիներին տարկետում տալու կարգի շրջանակում:
Անդրադառնալով գործընկերների հնչեցրած մտահոգություններին՝ Քրիստինա Պողոսյանն ասաց. «Վստահ եմ, որ հարցը անձերի մեջ է: Լավագույն համակարգն էլ կարող է փլուզվել, եթե կառավարում են վատ անձինք: Հուսով եմ և տեսնում են, որ քաղաքական կամք կա՝ դա ճիշտ կազմակերպելու, և այն վատ պրակտիկան, որ եղել է, երբ սպորտային վաշտերը վերածվեցին մի տեղի, որտեղ մարդիկ ծանոթի և այլ միջոցներով իրենց երեխաներին ազատում էին շատ թե քիչ ծանր զինծառայությունից և տանում էին այդ վաշտ, ուզում եմ հավատալ, որ դա չի կրկնվի»:
Մանրամասները՝ տեսանյութում:
