04.07.2026 | 16:09
Տիգրան Խաչատրյանը նոր ռեֆերենտ ունի
Մենք էլ ենք միանում դիմադրությունը ջարդելուն. Դավիթ Անանյան. ՏԵՍԱՆՅՈՒԹ
Քաղաքականություն
12.12.2019 | 17:07
Ֆինանսների նախարարությունը չի որոշում՝ գումար տա՞լ, թե՝ չտալ: Այս մասին լրագրողների հետ ճեպազրույցում ասաց ՊԵԿ նախագահ Դավիթ Անանյանը՝ անդրադառնալով ՊԵԿ-ի 2020-2024 թվականների զարգացման և վարչարարության բարելավման ռազմավարական ծրագրի հարցի՝ այսօր կառավարության նիստում տեղի ունեցած քննարկմանը, որի ժամանակ ֆինանսների նախարար Ատոմ Ջանջուղազյանն առաջարկեց ձեռնպահ մնալ այդ նախագծից:
«Ֆինանսների նախարարությունը՝ ի դեմս ֆինանսների նախարարի, ներկայացրել է իր տեսակետը, որը ոչ միայն իրավունք ունի գոյություն ունենալ, այլև ինչ-որ չափով լեգիտիմ է: Կառավարությունում են որոշումներ կայացվում: Ֆինանսների նախարարությունն ուղղակի այդ ոլորտում քաղաքականություն իրականացնողն է»,- ասաց Անանյանը:
Հարցին՝ ի՞նչ նկատի ուներ վարչապետ Նիկոլ Փաշինյանը՝ ասելով, որ ողջ պետական համակարգը դիմադրում է հեղափոխությանը, և ինքն այդ դիմադրությունը կոտրելու է, Անանյանը պատասխանեց. «Ես կարող եմ ասել, որ մենք մասնակցելու ենք այդ պրոցեսին: Դուք հարցի սխալ հասցեատեր եք ընտրել, որովհետև այդ հայտարարությունը շատ ավելի քաղաքական հայտարարություն էր և որեւէ անձի ուղղված չէր»։
Մանրամասները՝ տեսանյութում։
