01.02.2026 | 20:00
Մեղրիի լեռնանցքում սաստիկ բուք է
Հանդուրժող եղեք, այլապես այս մթնոլորտը խորհրդարանում դառնում է անտանելի. Նարիա Զոհրաբյան. ՏԵՍԱՆՅՈՒԹ
Քաղաքականություն
12.12.2019 | 14:44
Ինձ շարունակում է զարմացնել այս ագրեսիան ու անհանդուրժողականությունը ցանկացած կարծիքի հանդեպ, որը չի համընկնում մեծամասնության կարծիքի հետ: ԱԺ արտահերթ նիստում վարկային համաձայնագրերի քննարկման ժամանակ ունեցած ելույթում ասաց «Բարգավաճ Հայաստան» խմբակցության պատգամավոր Նաիրա Զոհրաբյանը:
«Այո՛, մենք իրավունք ունենք ունենալու ողջախոհ հարցեր՝ ինչի՞ համար են ներգրավվում վարկերը: Որովհետև, հարգարժա՛ն հիմնական զեկուցող, Դուք այդպես էլ չկարողացաք պատասխանել նպատակայնությունը, նպատակահարմարությունը և հնարավոր արդյունավետությունը»,- դիմելով ֆինանսների փոխնախարարին՝ ասաց Զոհրաբյանը:
Նա հավելեց, որ իրենց համար բացարձակ հասկանալի չէ ագրեսիան այն կարծիքի հանդեպ, որը չի համընկնում կառավարության ներկայացուցչի տեսակետին:
«Դուք ասում եք՝ դե գումար է, արտոնյալ վարկ է, վերցնենք, հետո կմտածենք՝ ինչի վրա ենք ծախսում: Դուք պետք է նախապես մտածած լինեիք, գոնե մոտավոր ճանապարհային քարտեզ ունենայիք, թե ինչ ուղղություններով է այդ վարկն իրացվելու, որպեսզի այս ամբիոնից այս տրամաբանական հարցերը չհնչեին: Մի՛ վրդովվեք: Այնպես չի, որ դուք անսխալական են, անքննադատելի եք, անքննելի եք: Հանդուրժող եղեք այլակարծության հանդեպ, այլապես այս մթնոլորտն այս խորհրդարանում ուղղակի դառնում է անտանելի»,- ասաց ԲՀԿ-ական պատգամավորը:
Մանրամասները՝ տեսանյութում:
