04.07.2026 | 17:21
Դատախազության ամենակարևոր ռեսուրսը սկզբունքային, պրոֆեսիոնալ, բարեվարք և իրենց ծառայությանը նվիրված մարդիկ են. Գլխավոր դատախազ
2019-ի բյուջեի կատարողականը կախված է 4 վարկային համաձայնագրերի վավերացումի՞ց․ Սիմոնյանը՝ Հայրապետյանին. ՏԵՍԱՆՅՈՒԹ
Տնտեսություն
12.12.2019 | 11:31
ՀՀ Ազգային ժողովի այսօրվա արտահերթ նիստի օրակարգում ներառված է 10 հարց: Հիմնական զեկուցող, ֆինանսների փոխնախարար Արմեն Հայրապետյանն իր ելույթում նշեց, որ դրանց հիմնական մասը վերաբերում է 4 վարկային համաձայնագրերի, մեկ կոնվենցիայի վավերացման, մնացյալ հարցերն օրենսդրական փոփոխություններ են ենթադրում:
«Հարցերի հրատապությունը կայանում է նրանում, որ մի մասը պայմանավորված է 2019թ. ընթացքում անելիքներն ավարտին հասցնելու հանգամանքով: Այդ անելիքների մեջ շատ կարևոր են 4 վարկային համաձայնագրերը»,- ասաց փոխնախարարը:
«Լուսավոր Հայաստան» խմբակցության պատգամավոր Կարեն Սիմոնյանը փոխնախարարից հետաքրքրվեց, թե ինչո՞վ է պայմանավորված 4 վարկային համաձայնագրերի վավերացումը դեկտեմբերին արտահերթով խորհրդարան բերելու հանգամանքը. «Դրանք նո՞ր են կնքվել: Պատճառը ո՞րն է, որ այսպես է գալիս»:
Արմեն Հայրապետյանը պարզաբանեց, որ դրանք նախատեսված են եղել 2019 թվականի պետբյուջեի մասին օրենքով, որն ընդունվել է 2018 թվականին:
«2019թ. բյուջեով ունենք ֆինանսական հոսքերի՝ արդեն այն ժամանակվա օրենքում նախատեսված դեֆիցիտ, որի ֆինանսավորման համար նախատեսվել է արտաքին աղբյուրներից ֆինանսական միջոցների ներգրավում և ֆինանսական միջոցների այդ մասը, որ բաց է մնացել, փորձել ենք դոնորների հետ քննարկելով՝ գալ արդյունքի, որպեսզի կարողանանք այդ բացը փակել: Դրա հրատապությունը կայանում է նրանում, որ 2019թ. պետական բյուջեի իրականացումն է կարևոր, երկրորդ՝ մենք ունենալու ենք այդ միջոցների բաց, եթե դա տեղի չունենա, և ստիպված ենք լինելու այլ աղբյուրներից լրացնել, որը ֆինանսական անկայունության կարող է հանգեցնել»,- նշեց Հայրապետյանը:
Կարեն Սիմոնյանն արձագանքեց. «Այսինքն՝ ճի՞շտ հասկացա, որ 2019 թվականի բյուջեի կատարողականը կախված է այս համաձայնագրերից»:
Մանրամասները՝ տեսանյութում:
