27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
Վրաստանի ընդդիմության առաջնորդներից Վաշաձեն բերման է ենթարկվել
Քաղաքականություն
12.12.2019 | 11:07
Վրաստանի խորհրդարանի մոտ բերման է ենթարկվել ընդդիմության առաջնորդներից մեկը` Գիորգի Վաշաձեն։ Մինչ այդ Վաշաձեն բանավեճի մեջ էր մտել ոստիկաններից մեկի հետ: Վաշաձեի խոսքով, ոստիկանությունը քաղաքացիներին թույլ չի տալիս նույնիսկ մայթում կանգնել. տեղեկացնում է aliq.ge-ն:
Հիշեցնենք, որ վաղ առավոտից ընդդիմությունը փորձում է արգելափակել խորհրդարանի մուտքերը: Այսօր խորհրդարանը քվեարկելու էր ընդդիմադիր պատգամավոր Նիկա Մելիայի իրավասությունները դարարեցնելու վերաբերյալ: Գործընթացային հարցերի հանձնաժողովը Մելիայի իրավասությունների դադարեցմանը միաձայն կողմ էր քվեարկել: Նիստին ներկա են եղել միայն խորհրդարանական մեծամասնության անդամներ: Դեռևս պարզ չէ, թե երբ է հարցը քննարկվելու խորհրդարանի լիագումար նիստում:
Վրաստանի ներքին գործերի նախարարությունն էլ տեղեկացնում է, որ խորհրդարանի մոտ տեղի ունեցող ցույցի ժամանակ ձերբակալվել է ևս 12 անձ: Գերատեսչության հաղորդմամբ, նշված անձինք չեն ենթարկվել ոստիկանների օրինական պահանջներին, նաև մանր խուլիգանության համար են ձերբակալվել:
«Ոստիկանությունը խորհրդարանի շենքի հարակից տարածքում տեղի ունեցող ցույցի ժամանակ վարչական իրավախախտման համար ձերբակալել է 12 անձի: Նշված անձինք ձերբակալված են վարչական օրենսգրքի 173-րդ և 166-րդ հոդվածներով նախատեսված իրավախախտումների համար»,- ասվում է հաղորդագրության մեջ:
