18.05.2024 | 22:23
Աշխաբադում բացվել է Սայաթ-Նովայի արձանը
ԱՄՆ-ի՝ Իրանի հետ միջուկային գործարքից դուրս գալը կսրի իրավիճակը. Կրեմլ
Քաղաքականություն
13.10.2017 | 20:33
ԱՄՆ-ի դուրս գալը Իրանի հետ Միջուկային համաձայնագրից կսրի իրադրությունը , Թեհրանը կհետևի Վաշինգտոնի օրինակին. լրագրողներին ասել է ՌԴ նախագահի մամուլի քարտուղար Դմիտրի Պեսկովը, փոխանցում է ria.ru-ն։
Ակնկալվում է, որ ուրբաթ օրը ԱՄՆ նախագահ Դոնալդ Թրամփը հանդես կգա Իրանի դեմ «լայնածավալ ռազմավարությամբ»: Թրամփը մեկ անգամ չէ, որ հայտարարել է Իրանի հետ միջուկային գարծարքից դուրս գալու մտադրության մասին:
«Մենք արդեն գիտենք Թեհրանի պատասխան արձագանքը. Թեհրանը նույնպես դուրս կգա համաձայնագրից։ Ուստի Ռուսաստանը կշարունակի հետևել իր դիրքորոշմանը, այն է՝ Իրանի միջուկային դոսյեի կարգավորմանը, որը թույլ կտա կանխել միջուկային զենքի տարածումը», – ասել է Պեսկովը՝ պատասխանելով հարցին, թե ինչպիսին կլինի Ռուսաստանի արձագանքը, եթե ԱՄՆ-ը որոշեն դուրս գալ համաձայնագրից։
«Ցանկացած պարագայում, իհարկե, ամերիկյան կողմից հնարավոր նման գործողությունները միանշանակ բացասական հետևանքներ կունենան։ Դա ակնհայտ է»,- ավելացրել է նա։
