12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
ՅՈՒՆԻՍԵՖ-ի հայաստանյան գրասենյակը տոնեց 25-ամյակը. ՏԵՍԱՆՅՈՒԹ
Հասարակություն
11.12.2019 | 17:19
ՅՈՒՆԻՍԵՖ-ը տոնում է Հայաստանում իր գործունեության 25-ամյակը։
«Մեր աշխատանքն անհնար կլիներ առանց մեր այն գործընկերների, որոնք տարիներ շարունակ նվիրված աշխատում են։ 1994-ից՝ Հայաստանում մեր գործունեության սկզբից գրանցած արդյունքներից հատկանշական է, որ նորածնային մահացությունները 50%-ով նվազել են, նորածինների 90%-ը պատվաստված է, երեխաների 58%-ը նախադպրոցական կրթությունը հասանելի է դարձել։ Բացի այդ, այսօր Հայաստանում գրեթե չկան երեխա բանտարկյալներ։ Մենք շարունակում ենք աջակցել երեխաների համար արդարադատության հասանելիության մակարդակի և նրանց կյանքի որակի բարելավմանը»,- ասում է Հայաստանում ՄԱԿ-ի Մանկական հիմնադրամի (ՅՈՒՆԻՍԵՖ) ներկայացուցիչ Տանյա Ռադոչայը։
ՅՈՒՆԻՍԵՖ-ի 25-ամյակին նվիրված միջոցառման ընթացքում ՀՀ նախագահի տիկին Նունե Սարգսյանը նշանակվեց երեխայի իրավունքների արտակարգ պաշտպան։
«Հիմա ես պատվով պետք է կրեմ այս անունը: Այո՛, կլինեմ պաշտպան, բայց չեմ կարծում, որ արտակարգն ինձ համար է: Արտակարգը մեր երեխաներն են, նրանք հրաշք են: Ամեն երեխա ինչ-որ տաղանդ ունի, նրանք որպես դատարկ տախտակ չեն ծնվում: Հատկապես Հայաստանում խնդրում եմ ծնողներին՝ գտնել այդ տաղանդը, փայփայել ու աճեցնել այն, որպեսզի երեխան կատարելագործի այն և ծառայեցնի մեր պետությանը: Հայաստանի համար կարևոր է անհատների տաղանդը: Ես իմ համեստ ներդրումը կբերեմ մեր երեխաների առողջության ու անհոգ մանկության մեջ»,- ասաց Նունե Սարգսյանը:
Մանրամասները՝ տեսանյութում։
Նելլի Մելքոնյան
