19.12.2025 | 12:34
Քննիչի անբարեխիղճ վերաբերմունքի հետևանքով նախաքննական մարմինը զրկվել է ապացույցներ ձեռք բերելու հնարավորությունից․ ՀԿԿ
Բոլորի հետ էլ ընկերություն անում եմ. Վիրաբյանը՝ «Ֆակտորի փրոդաքշնի»-ի ղեկավարության հետ կապերի մասին. ՏԵՍԱՆՅՈՒԹ
Հասարակություն
11.12.2019 | 12:54
Երևանի քաղաքապետարանում ընտրյալներ չկան։ Այսօր լրագրողների հետ զրույցում հայտարարեց Երևանի փոխքաղաքապետ Տիգրան Վիրաբյանը՝ անդրադառնալով «Ֆակտորի Փրոդաքշն» ընկերությանը «սև ցուցակ» գցելու, իսկ հետո Ամանորի միջոցառումներ կազմակերպելու հնարավորություն ստանալու հարցին։
Տիգրան Վիրաբյանը նշեց, որ «Ֆակտորի Փրոդաքշն» ընկերությունը «Էրեբունի-Երևան»-ի տոնակատարությունը կազմակերպելու մրցույթում հաղթել է և հնարավորություն ունեցել չորս վարչական շրջանում միջոցառում կազմակերպել: Սակայն փաստաթղթերի ճշտման փուլում մեկ փաստաթղթի ճշգրտման թիվ չի ներկայացրել, որի արդյունքում զրկվել է չորս միջոցառումները կազմակերպելու իրավունքից, և Երևանի քաղաքապետարանի կողմից, օրենքի ուժով, հայտնվել «սև ցուցակում»։
«Սա նշանակում է, որ որևէ ընկերություն մեզ համար էական նշանակություն չունի։ Եթե այդ ընկերությունը քաղաքապետարանում ունենար հատուկ հովանավորություն, նման իրավիճակում չէր հայտնվի։ Խոսքը մեկ թղթի՝ մեկ օր ուշացման մասին էր»,- ասաց նա և հավելեց, որ այժմ ընկերությունն իրավունք ունի միջոցառում կազմակերպել:
Վիրաբյանը նշեց, որ բոլոր ընկերությունների ղեկավարներին անձամբ ճանաչում է: «Բոլոր ընկերությունների ղեկավարների հետ գործից դուրս շփվում ենք։ Մեծ հաճույքով գործից դուրս շփվում եմ Ռուբեն Ջաղինյանի հետ, «Ֆակտորի» ընկերության ղեկավարության հետ»,- ասաց փոխքաղաքապետը։
Մանրամասները՝ տեսանյութում:
Նարեկ Կիրակոսյան
