18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Լավրովն ու Թրամփը գնահատել են Վաշինգտոնում անցկացրած հանդիպումը
Քաղաքականություն
11.12.2019 | 11:48
ՌԴ ԱԳ նախարար Սերգեյ Լավրովը հայտարարել է, որ ԱՄՆ նախագահ Դոնալդ Թրամփի հետ վաշինգտոնյան հանդիպումն անցել է փոխըմբռնման մթնոլորտում, գրում է ՏԱՍՍ-ը:
«Սպիտակ տանը տեղի ունեցավ հանդիպում նախագահ Դոնալդ Թրամփի հետ, որը, իմ կարծիքով, անցավ փոխըմբռնման մթնոլորտում, առաջին հերթին՝ այն հարցում, որը վերաբերում է աշխարհում իրադրության համար Ռուսաստանի և ԱՄՆ-ի պատասխանատվությանը: Մենք փաստեցինք, որ մի ամբողջ շարք լուրջ խնդիրներ կան»,- ԱՄՆ կատարած աշխատանքային այցի արդյունքներով ասել է Լավրովը:
Թրամփի հետ Լավրովը քննարկել է ռազմավարական կայունության հարցեր: «Մենք հատուկ ուշադրություն հատկացրեցինք ռազմավարական կայունությանը, անվտանգությանը, սպառազինության և դրա չտարածման վերահսկողության ոլորտում իրադրությանը»,- տեղեկացրել է ՌԴ ԱԳ նախարարը:
Լավրովի խոսքով՝ քննարկել են նաև Պարսից ծովի տարածաշրջանում ճգնաժամ թույլ չտալուն ուղղված քայլերը. «Խոսեցինք այն մասին, որ, ամեն դեպքում, անհրաժեշտ է որոշ քայլեր ձեռնարկել՝ Պարսից ծոցում ճգնաժամի խորացում թույլ չտալու, ինչպես նաև իրանական միջուկային գործարքից ԱՄՆ-ի միակողմանի դուրս չգալու հետևանքով ծագած խնդիրների լուծման համար»:
ԱՄՆ նախագահ Դոնալդ Թրամփն իր հերթին նշել է, որ «ՌԴ ԱԳ նախարար Սերգեյ Լավրովի և Ռուսաստանի ներկայացուցիչների հետ լավ հանդիպում է անցկացրել»: Նրա խոսքով՝ բանակցությունների ընթացքում կողմերը քննարկել են «բազմաթիվ հարցեր, այդ թվում՝ առևտուր, Իրան, Հյուսիսային Կորեա, միջուկային սպառազինության նկատմամբ վերահսկողություն, ընտրություններին միջամտություն»:
«Անհամբերությամբ սպասում եմ մոտ ապագայում մեր երկխոսության շարունակություն»,- ավելի ուշ Twitter-ում գրել է Թրամփը:
