13.12.2024 | 22:59
ԵՄ-ն «օդային կամուրջ» է գործարկել՝ Թուրքիայի տարածքով Սիրիա օգնություն հասցնելու համար
Ուզում ենք՝ երեխաները ոչ թե հարևանների սեղաններին նայեն, այլ՝ գեղագիտական հաճույք ստանան․ Փաշինյան. ՏԵՍԱՆՅՈՒԹ
11.12.2019 | 09:24
«Կառավարությունը բավական մեծ գումար է հատկացրել Ամանորի ծախսերը հոգալու համար, մոտավորապես 270 միլիոն դրամ, և շատ կարևոր է արձանագրել, թե մենք ինչի համար ենք անում, որովհետև խնդիրը բացարձակապես ուտել-խմելու կամ ծափ-ծլնգոցի վրա գումար ծախսելը չի, որովհետև մենք այսպիսով լուծում ենք շատ կարևոր սոցիալ-հոգեբանական և գեղագիտական հարցեր»,- ֆեյսբուքյան ուղիղ հեռարձակմամբ ասաց ՀՀ վարչապետ Նիկոլ Փաշինյանը:
«Ավանդույթի համաձայն՝ արդեն երկար տարիներ ՀՀ շատ քաղաքացիներ Ամանորը նշում են Հայաստանից դուրս, ինչը շատ լուրջ խնդիր է ՀՀ-ի համար, որովհետև գումարները արտահոսում են երկրից դուրս, եւ մեզ համար շատ կարևոր է, որ մարդիկ Ամանորն անցկացնեն Հայաստանում, և իրականացնում ենք այս ծրագիրը: Սրանով մենք ուզում ենք նաեւ խթանել դեպի Հայաստան տուրիստների հոսքը»,- մանրամասնեց վարչապետը՝ ընդգծելով, որ նպատակը, ի վերջո, այն է, որ երեխաները ոչ թե հարևանների սեղաններին նայեն ու համեմատեն իրենց սեղանների հետ, այլ՝ գեղագիտական հաճույք ստանան:
Մանրամասները՝ տեսանյութում:
