Քաղաքականություն
10.12.2019 | 13:35
Մահացել է ռուս պետական և քաղաքական գործիչ, Մոսկվայի երկարամյա քաղաքապետ Յուրի Լուժկովը: Այս մասին հաղորդում է ՏԱՍՍ-ը:
84-ամյա Լուժկովը մահացել է գերմանական Մյունխենում, որտեղ նա գտնվում էր սրտի վիրահատության նպատակով:
Նշենք, որ Յուրի Լուժկովը Մոսկվան ղեկավարել է 1992-2010 թվականներին: 2010-ի աշնանը նա հեռացվել է պաշտոնից՝ նախագահ Մեդվեդևի «վստահությունը կորցնելու հետ կապված»: 2016 թվականի սեպտեմբերի 21-ին, սակայն, 80-ամյակի կապակցությամբ ՌԴ նախագահ Վլադիմիր Պուտինի հրամանագրով Յուրի Լուժկովը պարգևատրվել է Հայրենիքի առջև ծառայությունների համար շքանշանով:
Նշենք, որ Յուրի Լուժկովը Երևանի պատվավոր քաղաքացի էր (2002թ.), արժանացել էր Սուրբ Մեսրոպ Մաշտոց շքանշանի (2003թ.):
