19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
ՍԴ դատավորների կամավոր վաղ կենսաթոշակի դիմելու ինստիտուտը նորություն չէ․ Ռուստամ Բադասյան. ՏԵՍԱՆՅՈՒԹ
Հասարակություն
09.12.2019 | 19:21
Ազգային ժողովում քննարկվում է Կառավարության կողմից ներկայացված Սահմանադրական դատարանի մասին Սամանադրական օրենքում լրացում կատարելու մասին և պաշտոնատար անձանց գործունեության ապահովման, սպասարկման և սոցիալական երաշխիքների մասին օրենքում լրացում կատարելու մասին նախագծերի փաթեթն առաջին ընթերցմամբ ընդունելու հարցը։
Օրենսդրական փաթեթով ներկայացվում է ՍԴ դատավորների կամավոր վաղ կենսաթոշակի դիմելու ինստիտուտը, սակայն դա նորություն չէ Հայաստանի իրավական համակարգում։ Այս մասին ԱԺ-ում ասաց արդարադատության նախարար Ռուստամ Բադասյանը։
«Փոփոխություններով նախատեսվել է, որ ՍԴ դատավորներին առաջադրելու իրավասությամբ օժտված պետք է լինի երեք մարմին՝ դատավորների ընդհանուր ժողովը, կառավարությունը, ՀՀ նախագահը։ Սակայն անցումային դրույթի ուժով հնարավոր է, որ այս Սահմանադրական դատարանի մոդելն առհասարակ կյանքի չկոչվի։
Կամավոր վաղ կենսաթոշակի մասով Վենետիկի հանձնաժողովն արձանագրել է, որ չկա որևէ մոդել, որով հնարավոր է ընդդիմանալ այնպիսի դատավորների կամքին, եթե չկա արտաքին ազդեցություն և ճնշում։ Նաև միջազգային փորձն ենք ուսումնասիրել, որը ցույց է տալիս, վաղ կենսաթոշակի նմանատիպ սխեմաները լինում են 2 տեսակի՝ հարկադիր և կամավոր։ Հարկադիրի մասով միջազգային կառույցների գնահատականը եղել է միանշանակ, որ այն հակասության մեջ է մի շարք սկզբունքների հետ, ու դա համարվել է անթույլատրելի։ Կամավոր վաղ կենսաթոշակի ինստիտուտ տարբեր մոդելներով ներդրված է Վրաստանում, Ռուսաստանի Դաշնությունում, Ուկրաինայում, Դանիայում, Ավստրալիայում և մի շարք այլ երկրներում»,- տեղեկացրեց Բադասյանը։
Մանրամասները՝ տեսանյութում։
