02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Ապրիլյան պատերազմը հնարավոր դարձնող արտաքին գործոնները ևս պետք է դիտարկենք․ Արման Բաբաջանյան. ՏԵՍԱՆՅՈՒԹ
Քաղաքականություն
09.12.2019 | 15:26
Ազգային ժողովում քննարկվում է 2016 թվականի ապրիլին ծավալված ռազմական գործողությունների համգամանքներն ուսումնասիրող քննիչ հանձնաժողովի գործունեության ժամկետը երկարաձգելու մասին ԱԺ որոշման նախագիծը։
Պատգամավոր Արման Բաբաջանյանն իր ելույթում նշեց, որ սա չափազանց նուրբ ու բազմաշերտ խնդիր է։
«Մենք ներքին պատճառներն այս պահին դիտարկելու անհրաժեշտություն ունենք, բայց ես պիտի խնդրեի, որպեսզի ապագայում մենք կարողանայինք նաև Ապրիլյան պատերազմը հնարավոր դարձնող արտաքին գործոնները ևս դիտարկել։ 2013թ. սեպտեմբերի 3-ի տխրահռչակ որոշումից հետո, երբ Հայաստանը որոշեց անդամակցել Մաքսային միությանը, ստեղծվեց մի իրավիճակ, որ Հայաստանի շուրջ օղակը գնալով ավելի սեղմվեց, և մենք պարտվեցինք դիվանագիտական ճակատում՝ հնարավոր դարձնելով Ապրիլյան պատերազմը: Գուցե այս հանձնաժողովի գործառույթների մեջ չի մտնում արտաքին այդ համատեքստը դիտարկելը, բայց կարծում եմ, վաղ թե ուշ, մենք ստիպված են լինելու այս հարցին ավելի հանգամանալից մոտենալ և հասկանալ, թե ինչու այդ բալանսը խախտվեց և ինչու հնարավոր դարձավ Ապրիլյան պատերազմը։ Արդյունքում մենք ունեցանք 100-ից ավելի զոհ և 800 հա-ի կորուստ»,- նշեց Բաբաջանյանը։
Մանրամասները՝ տեսանյութում։
