Տնտեսություն
09.12.2019 | 13:03Պատգամավորների 1/4-ի պահանջով ՀՀ ցամաքային ուղևորափոխադրումների կազմակերպման գործընթացը և 2016-2019 թվականների ոլորտը սպասարկող, համակարգող և վերահսկող լիազոր մարմինների գործունեությունն ուսումնասիրելու նպատակով իրավունքի ուժով ստեղծվել է ԱԺ քննիչ հանձնաժողով։
Քննիչ հանձնաժողովի նախաձեռնող ներկայացուցիչ, «Բարգավաճ Հայաստան» խմբակցության պատգամավոր Արտյոմ Ծառուկյանը նշեց, որ թիրախում ոչ թե ինչ-որ անհատ կամ կազմակերպություն է, այլ կոնկրետ մեր քաղաքացիների լրջագույն խնդիր հանդիսացող ուղևորափոխադրումներն են։
«Մի շարք քաղաքներ ունենք, որոնց՝ մայրաքաղաքի հետ կապն ուղղակի կտրվել է, լրջագույն խնդիր ունենք նաև ներմարզային ուղևորափոխադրումների հետ, եթե չեմ սխալվում, 205 ներմարզային ուղեգծեր կան, Արմավիրի մարզը չհաշված, որոնցից վերջին 3 տարում 46-ն արդեն փակվել են։ Ունենք լրջագույն խնդիր Երևանի և մյուս խոշոր քաղաքների հետ, որոնք այսօր փաստացի իրականացվում են, բայց այն մարդկանց, կազմակերպությունների կողմից, որոնք պետության կողմից լիցենզավորված չեն, հարկեր չեն վճարում։ Այստեղ էլ ենք խնդիրներ տեսնում»,- ասաց Արտյոմ Ծառուկյանը։
Մանրամասները՝ տեսանյութում։
