30.04.2026 | 11:41
Ռուսական զորքերը զանգվածային հարված են հասցրել Օդեսային. վիրավորվել է 18 մարդ
Ամեն վայրկյան իր կյանքը վտանգող զինվորականն այս երկրում խնդիր չպետք է ունենա․ Արման Աբովյան. ՏԵՍԱՆՅՈՒԹ
Քաղաքականություն
06.12.2019 | 18:39
Ամեն վայրկյան իր կյանքը վտանգող զինվորականն այս երկրում խնդիր չպետք է ունենա։ Այս մասին ԱԺ-ում ասաց «Բարգավաճ Հայաստան» խմբակցության պատգամավոր Արման Աբովյանը։
«Հաճախ մոռացվում և չի խոսվում մարդկանց մասին։ Երբ որ մենք ասում ենք թվեր, կիջնենք, կբարձրանանք, կխոսանք և այլն, արդյունքում մարդիկ, ում մենք բոլորս պարտական ենք, որ ապրում ենք անվտանգ երկրում․․․մենք ոչ թե միտումնավոր կամ անմիտ, ինչ-որ հարցեր ենք քննարկում։ Յուրաքանչյուր դեպքում ինչ խնդիր ուզում է առաջանա՝ դա այն մարդկանց, ում համար օրենքը նախատեսված է, հեչ հետաքրքիր չէ։ Իրենց և առաջին հերթին մեզ պետք է հետաքրքրի այն քայլը, որն այդ մարդկանց կյանքը կթեթևացնի։ Խրամատում զինվորը, հրամանատարը, սպայական անձնակազմը, մարդիկ, ովքեր ամեն վայրկյան իրենց կյանքը վտանգում են հանուն մեր և մեր երեխաների անվտանգության, այս երկրում ոչ մի խնդիր չպետք է ունենան»,- նշեց Աբովյանը և հավելեց, որ այս օրենքը պետք է ընդունվի։
Հիշեցնենք, որ Ազգային ժողովում քննարկվում է «Լուսավոր Հայաստան» խմբակցության կողմից ներկայացված ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին ՀՀ օրենքում փոփոխություններ և լրացումներ կատարելու մասին օրենքի նախագիծը։
Մանրամասները՝ տեսանյութում։
