22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Այո՛, այս կառավարությունը ունի հաջողություններ․ Արմեն Աշոտյան. ՏԵՍԱՆՅՈՒԹ
Քաղաքականություն
06.12.2019 | 13:06
Հանրապետական կուսակցությունը հանդես է գալիս իշխանության հասցեին քննադատողի դիրքերից, կարո՞ղ է արդյոք ՀՀԿ փոխնախագահ Արմեն Աշոտյանը նշել այս իշխանության մեկ-երկու հաջողություն, ասուլիսում այսպիսի հարց ուղղվեց Արմեն Աշոտյանին․ «Շատ կարևոր հարցադրում է։ Քանի որ ես ասում եմ՝ ակնկալում եմ քաղաքական նոր մշակույթ, այդ մշակույթը ինքս կցուցադրեմ։ Այո՛, այս կառավարությունը ունի հաջողություններ տարբեր ոլորտներում։ Կներեք՝ էդ էլ չունենայի՞ն։ Էդ մեզ վրա պետք չի ծախել որպես հաջողություն։ Օրինակ՝ ես որպես Կրթության նախկին նախարար, բարի նախանձով եմ նայում, երբ որ կրթության բյուջեն մեծացել է։ Բայց շատ բացասական եմ նայում, երբ գիտության բյուջեն չի մեծացել։ Ես կարող եմ ձեզ թվարկել բազմաթիվ հավես հաջողություններ և թվարկել անհավես պատմություններ՝ քննադատելու համար։ Մենք որոշակի ոլորտներում տեսնում ենք հատվածական հաջողության պատմություններ և դա չտեսնել չի կարելի։ Իհարկե՝ ավելի շատ են ՀԴՄ տպում։ Ես ասում եմ՝ հիվանդի սիրտը լավ չի, մեզ ասում են՝ հա բայց երիկամները լավ չեն»,- պատասխանեց ՀՀԿ փոխնախագահը։
Նա կարծում է, որ Հայաստանի քաղաքացիներին թելադրվել է բևեռացման մշակույթը, որի պատճառը, ըստ նրա, հանրապետականները չեն․ «Երբ քեզ ասում են՝ դու վատն ես, թալանչի ես, սուտասան ես, գող ես, հարբեցող ես, դու էլ չես փորձում դիմացինի մեջ լավ բան տեսնել։ Ես պատրաստ եմ և սպիտակ օձիքով հանդես գալ քաղաքական դաշտում, և բանվորական շորով։ Քաղաքական մոդայի թելադրողը Նիկոլ Փաշինյանն է»։
Մանրամասները՝ տեսանյութում:
