Ինձ վիրավորված եմ զգացել, երբ մշակութային գործիչներն օլիգարխի քյաբաբոնցի բացմանը երգում էին․ Փաշինյան. ՏԵՍԱՆՅՈՒԹ

700 մլն դոլարով աճել է հետևյալ մշակութային կոլեկտիվների ֆինանսավորումը՝ «Հայաստանի ազգային պետական երգչախումբ», «Ազգային ֆիլարմոնիկ նվագախումբ», «Պետական սիմֆոնիկ նվագախումբ», «Կոմիտասի անվան ազգային քառյակ», «Հայաստանի ազգային ջազ նվագախումբ», «Կամերային երաժշտության ազգային կենտրոն», «Տաղարան» համույթ և այլն։ Այս մասին Ազգային ժողովում «ՀՀ 2020թ. բյուջեի մասին» օրենքի նախագծի եզրափակիչ ելույթի ժամանակ ասաց ՀՀ վարչապետ Նիկոլ Փաշինյանը և անդրադարձավ այն հարցին, թե ի՞նչ են այս փոփոխությունները բերել։

«Սա բերել է, որ այս կոլեկտիվները 100 տոկոսով ֆինանսավորվում են պետական բյուջեից։ Ի՞նչ է սա գործնականում նշանակում։ Սա գործնականում նշանակում է, որ այդ կոլեկտիվները ոչ միայն ձեռք պարզածի կարգավիճակը կարող են հաղթահարել, այլև նրանք․․․օրինակ՝ շատ տարիներ առաջ երկար տարիների ընթացքում ես ամեն անգամ չափազանց վիրավորված եմ զգացել ինձ, ընկալել եմ անձնական վիրավորանք, երբ որ մի որևէ օլիգարխ մի որևէ կոմերցիոն օբյեկտ է բացել և ինչա թե էս մարդկանց, կոլեկտիվներին հովանավորչական գումար է տվել, տարել է, մի հատ, կներեք արտահայտության համար, ստիպել է գալ քյաբաբանոցների բացմանը, մասնակցելի, մի հատ էլ դիֆիրամբային զրույցներ տա, որ այս էս քյաբաբանոցն աշխարհի ամենահնարավոր, ամենաբարձր երևույթն է, որը մեր հարգելի բարերը էս ի՞նչ է արել։ Ես վիրավորված եմ զգացել։ Էս պետական բյուջեն սրանով է հեղափոխական, որ մշակութային գործիչներին այս վիրավորանքից ազատել է»,- ասաց Փաշինյանը։

Մանրամասները՝ տեսանյութում։