26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ի՞նչ նկատի ունեք, որ ասում եք՝ 10 տոկոսը տվեք մեզ․ Ատոմ Ջանջուղազյանը՝ Սերգեյ Բագրատյանին
Տնտեսություն
05.12.2019 | 16:58
Եթե նշվում է, որ «Բարգավաճ Հայաստան» խմբակցությունը 46 առաջարկ է արել, պետք է նշվի, որ դրանից և ոչ մեկը չի կատարվել։ Այս մասին ԱԺ-ում «ՀՀ 2020թ. բյուջեի մասին» օրենքի նախագծի քննարկման ժամանակ ասաց «Բարգավաճ Հայաստան» խմբակցության պատգամավոր Սերգեյ Բագրատյանը։
«Ես անձամբ ներկայացրել եմ 120 մլն դրամի ծրագիր՝ Արտաբույքի դպրոցի հիմնանորոգում և վերանորոգում, և, ասենք թե, ներկայացրել եմ Եղեգնաձոր քաղաքի Նորավան թաղամասի կոյուղագծի վերանորոգման ծրագիր։ Ձեր կարծիքով, որ Դուք դա անեք, կասեն՝ Բագրատյան Սերգե՞յն է անում, թե՞ Կառավարությունը։ Եթե խնդիրը ներկայացնում ենք, կարո՞ղ է մեր անձնական շահի համար ենք անում։ Ռազմավարական ծրագրո՞վ եք ուզում, խնդրեմ, բյուջեի ծախսային մասի 10 տոկոսը տվեք, մենք կազմենք, ներկայացնենք հիանալի հիմնավորումներով»,- ասաց Բագրատյանը։
Ֆինանսների նախարար Ատոմ Ջանջուղազյանը նկատեց, որ վստահ չէ, որ հասկանում է՝ ինչ նկատի ունի Բագրատյանը, երբ որ ասում է՝ 10 տոկոսը տվեք մեզ։ «Ոնց որ մի տեսակ ուրիշ տպավորություն է ստեղծվում դրանից։ Ի՞նչ 10 տոկոսի մասին է խոսքը, ինչի՞ 10 տոկոսի մասին է խոսքը։ Ո՞ւմ տանք, պարոն Բագրատյան։ Առաջարկը կարող եք ձևակերպել, մենք էլ դրան կարձագանքենք»,- ընդգծեց Ջանջուղազյանը։
Մանրամասները՝ տեսանյութում։
